Samruddhi Mahamarg : दारू पिऊन वाहन चालवत असाल तर सावधान; समृद्धी महामार्गावर पोलिसांकडून आता तपासणी

जालना : समृध्दी महामार्गावरून प्रवास करताना दारू पिऊन वाहन चालवत असल्यास सावधान. (Jalna News) कारण आता समृद्धी महामार्गावरून (Samruddhi Mahamarg) वाहन चालवणाऱ्या वाहन चालकांची हायवे पोलिसांकडून ड्रंक अँड ड्राईव्ह टेस्ट सुरू करण्यात आली आहे. (Breaking Marathi News)

समृद्धी महामार्गावर गेल्या काही दिवसांपासून अपघातांचं प्रमाण वाढलं आहे. या पार्श्वभूमीवर महामार्ग पोलीस आणि प्रादेशिक परिवहन अधिकारी यांच्याकडून ही संयुक्त जनजागृती मोहीम सुरू करण्यात आली आहे. जालन्यातून जाणाऱ्या समृध्दी महामार्गावर आज पोलिसांनी वाहनं थांबवून ट्रक तसेच इतर वाहन चालकांची ड्रंक अँड ड्राईव्ह टेस्ट घेतली. यात कुणीही दारू पिऊन वाहन चालवताना आढळला नाही. 

तर होणार कठोर कारवाई 

समृद्धी महामार्गावर हि तपासणी मोहीम सुरूच राहणार आहे. यात जर कुणी दारू पिऊन वाहन चालवताना आढळुन आल्यास त्या वाहन चालकांवर कठोर कारवाई केली जाईल; असा ईशारा हायवे पोलिसांनी दिला आहे.