Manoj Jarange News: मनोज जरांगेंवर कुणाची पाळत? अंतरवाली सराटीत मध्यरात्री ड्रोनच्या घिरट्या, पाहा VIDEO

Antarwali Sarati Drone News : मराठा आंदोलक मनोज जरांगे पाटील यांच्या जालना जिल्ह्यातील अंतरवाली सराटी गावात मध्यरात्री ड्रोन कॅमेऱ्याने घिरट्या घातल्याची माहिती समोर येत आहे.
Antarwali Sarati Drone News
Antarwali Sarati Drone NewsSaam TV

भरत मोहळकर, साम टीव्ही, प्रतिनिधी

मराठा आंदोलक मनोज जरांगे पाटील यांच्या जालना जिल्ह्यातील अंतरवाली सराटी गावात मध्यरात्री ड्रोन कॅमेऱ्याने घिरट्या घातल्याची माहिती समोर येत आहे. या घटनेनंतर परिसरात एकच खळबळ उडाली आहे. गावकऱ्यांनी तातडीने पोलिसांत धाव घेऊन तक्रार दाखल केली आहे. याप्रकरणी पोलिसांनी तपास सुरू केला आहे.

विशेष बाब म्हणजे, गेल्या आठवड्यातही अंतरवाली सराटी (Antarwali Sarati) गावात २६ जूनला मध्यरात्री ड्रोन कॅमेराने घिरट्या घातल्या होत्या. यावेळी ड्रोनने गावातील रेकी केल्याचा आरोप गावकऱ्यांनी केला होता. आता सोमवारी रात्री पुन्हा अंतरवाली सराटी गावात दोन ड्रोन कॅमेऱ्यांनी घिरट्या घातल्या.

यातील एक ड्रोन मनोज जरांगे पाटील (Manoj Jarange Patil News) यांच्या घराजवळ तर दुसरे ड्रोन गावातील सरपंचाच्या घराजवळ असल्याचं नागरिकांच्या लक्षात आलं. गावात ड्रोन कॅमेरे आल्याचं कळताच मोठी खळबळ उडाली. यानंतर गावातील सरपंचांसह नागरिकांनी पोलीस ठाण्यात धाव घेत याची माहिती पोलिसांना दिली.

Antarwali Sarati Drone News
Laxman Hake VIDEO : मराठा समाज शासनकर्ता, मनोज जरांगेंची वक्तव्ये बालिशपणाची; लक्ष्मण हाके कडाडले

दरम्यान, जालना जिल्ह्यातील अंतरवाली सराटी हे गाव सध्या मराठा आंदोलनाचे केंद्र बनले आहे. गावात गेल्या दोन आठवड्यापासून ड्रोन कॅमेरे घिरट्या घालत असल्याने आंदोलनकर्त्यांवर कुणी नजर ठेवतंय का? असा संशय निर्माण झाला आहे.

रात्रीच्या अंधारात उडवण्यात येणाऱ्या ड्रोनमुळं नागरिक धास्तावले आहेत. ड्रोनच्या माध्यमातून चोरीसाठी टेहाळणी तर केली जात नाही ना? असा संशय नागरिकांना आहे. पोलिसांनाही अद्याप याची माहिती लागत नसल्याने, ड्रोनचं गुढ कायम असून ड्रोन नक्की कोण उडवतयं? याचा तपास करावा, अशी मागणी गावकरी करीत आहेत.

Antarwali Sarati Drone News
Manoj Jarange News : मातोरीवरील दगडफेकीत मंत्री छगन भुजबळांचा हात? मनोज जरांगेंचा गंभीर आरोप, पाहा VIDEO

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com