Manoj Jarange News : मातोरीवरील दगडफेकीत मंत्री छगन भुजबळांचा हात? मनोज जरांगेंचा गंभीर आरोप, पाहा VIDEO

Manoj Jarange on Chhagan Bhujbal : मातोरी येथील दगडफेकीच्या घटनेत मंत्री छगन भुजबळ यांचाच हात असावा. त्यांनीच आपल्या लोकांना दगडफेक करायला लावली असेल, असे आरोप मनोज जरांगे पाटील यांनी केले.

मराठा आरक्षणासाठी आंदोलन करणारे मनोज जरांगे पाटील यांच्या बीडमधील मातोरी या गावात गुरुवारी दगडफेक झाली. डीजेच्या कारणावरून दोन गट आमने-सामने आल्याने परिसरात काही काळ तणावाचं वातावरण पसरलं होतं. मात्र, पोलिसांनी वेळीच घटनास्थळी धाव घेत परिस्थिती नियंत्रणात आणली. दरम्यान, मनोज जरांगे पाटील यांनी या घटनेवर प्रतिक्रिया देताना गंभीर आरोप केले.

मातोरी येथील दगडफेकीच्या घटनेत मंत्री छगन भुजबळ यांचाच हात असावा. त्यांनीच आपल्या लोकांना दगडफेक करायला लावली असेल, असे आरोप मनोज जरांगे पाटील यांनी केले. भुजबळ यांना राज्यात दंगली घडवून आणायच्या आहेत. त्यांनी आतापर्यंत जातीपातीचं राजकारण केलं आहे.

त्यामुळे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी त्यांच्यावर बारकाईने लक्ष ठेवावे. बीडच्या पालकमंत्र्यांना सांगतो की, भुजबळ मराठ्यांना जाणून बुजून त्रास द्यायला लावेल. तुम्ही मराठ्यांना त्रास होऊ देऊ नका. त्यांना वडीगोद्रीतच दंगल घडवून आणायची होती पण मी त्यांचा डाव उधळून लावला, असंही जरांगे म्हणाले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com