जालना : जालन्यात भाजीपाल्याला कमी दर मिळत आहे. अशातच आता फुल उत्पादक शेतकरीही (Farmer) फुलांचे भाव कोसळल्याने हैराण झाले आहेत. व्यापाऱ्यांनी फुलांना योग्य भाव न दिल्यानं आज शेतकऱ्यांनी विक्रीसाठी आणलेली फुलं नाल्यात फेकून दिली. (Breaking Marathi News)
अवकाळी पावसामुळे शेतकरी अगोदरच संकटात सापडलेला आहे. यात शेतकरी पिकवत असलेल्‍या उत्‍पादनाला अगदी कवडीमोल भाव मिळत आहे. कापसाचे भाव वाढत नसल्‍याने शेतकरीला भाववाढीची प्रतिक्षा आहे. तसेच (Jalna News) भाजीपाला पिकवित असलेल्‍या शेतकरी देखील भाव मिळत नसल्‍याने संकटात आहे. आता फुल उत्पादक शेतकरी देखील संकटात सापडला आहे. फुलांना भाव मिळत नसल्‍याने फुले रस्‍त्‍यावर व नाल्यात फेकून दिली आहेत.
गुलाब, मोगरा फेकला नाल्यात
परतूर शहरातील साईबाबा चौकात ही घटना घडली. राब राब राबून विक्रीसाठी आणलेल्या फुलांना कवडीमोल भाव मिळत असल्याने संतप्त शेतकऱ्यांनी फुलांची विक्री न करता 15 ते 20 क्विंटल मोगरा, गुलाब ही फुलं नाल्यात फेकून देत व्यापाऱ्यांचा निषेध नोंदवला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.