Accident News: बार्शी- कुर्डूवाडी रोडवर भीषण अपघात; मोटरसायकलवरील दोघांचा जागीच मृत्यू

बार्शी : कुर्डूवाडी रोडवर रस्त्यावर उभ्या असणाऱ्या टेम्पोवर दुचाकी आदळून भीषण अपघात झाला. या अपघातात (Accident) मोटारसायकलवरील दोघांचा जागीच मृत्यू झाला आहे. (Barshi) शेंद्री फाट्याजवळ ही घटना घडली आहे. (Tajya Batmya)

मधुसूदन जाधव आणि ऋषिकेश जाधव हे कुर्डूवाडीवरून बार्शीच्या दिशेने मोटारसायकलवरून प्रवास करत होते. शेंद्री फाट्याजवळ आल्यानंतर रस्त्यावर उभा असलेला टेम्‍पो न दिसल्‍याने टेम्पोला त्यांनी पाठीमागून जोरदार धडक दिली. या अपघातामध्ये दोघांच्या डोक्याला जबर मार लागल्याने त्यांचा जागीच मृत्यू झाला.

दोघेही पंढरपूरचे रहिवाशी

सदर अपघातप्रकरणी बार्शी ग्रामीण पोलीस ठाण्यात अपघाताची नोंद करण्यात आली आहे. या अपघातात मधुसूदन मुरलीधर जाधव आणि ऋषिकेश संतोष जाधव यांचा मृत्यू झाला असून दोघेही पंढरपूर तालुक्यातील रहिवासी आहे.