Crime News: घरातून गेले पळून; पोलिसांनी पकडल्‍यानंतर मुलीचा धक्कादायक जबाब, मुलासह बापावर गुन्‍हा

वरणगाव (जळगाव) : फेसबुकवरून मुलासोबत ओळख झाली. दोघांमध्ये प्रेम जुळून आले. मुलगी अल्‍पवयीन असून यानंतर दोघेही घरातून पळून गेले. पोलिसांनी (Police) शोध घेतल्‍यावर दोघेही सापडून आले. मात्र यानंतर मुलीने दिलेल्‍या जबाबात बापासह प्रियकराने अल्पवयीन मुलीवर अत्याचार (Crime News) केल्याचा प्रकार समोर आला आहे. याप्रकरणी दोघांना अटक करण्यात आली आहे. (Saam Letest News)

वरणगाव (Varangaon) परिसरातील एका गावातील सोळा वर्षीय अल्पवयीन मुलीची फेसबुकवर मुलासोबत ओळख झाली. यातून दोघांमध्ये प्रेम जमले व दोघेजण २९ सप्टेंबरला घरातून पळून गेले. मुलगी घरी न आल्यामुळे तिच्या वडीलांनी पोलिसात तक्रार दिली होती. सपोनि आशिष आडसुळ यांच्या मार्गदर्शनाखाली फौजदार नरसिंग चव्हाण व त्यांच्या सहकाऱ्यांनी (Gujrat) गुजरातमधील सोरटी सोमनाथ येथून या दोघांना ताब्यात घेतले.

बाल कल्याण समितीकडे पिडीतेचा धक्कादायक जबाब

मुलगी अल्‍पवयीन असल्‍याने तिला बालकल्याण समितीकडे सोपविण्यात आले. यानंतर समितीकडे मुलीने धक्कादायक जबाब दिला. यात प्रियकर व वडिलांनी आपल्यावर अत्याचार केल्याचे तिने सांगितले. यावरून वरणगाव पोलिसात प्रियकर व मुलीच्या बापाविरुद्ध पोस्को कायद्यातंर्गत गुन्हा दाखल करण्यात आला असून दोघांना अटक केली असून त्‍यांना दोन दिवसांची कोठडी सुनावण्यात आली आहे. पीएसआय परशुराम दळवी पुढील तपास करत आहेत.