सावदा (जळगाव) : जुना वाद असल्याने या वादातून शेतात सालदाराच्या डोक्यात दगड घालून निर्घृण खून केल्याची (Jalgaon) घटना उघडकीस आली. या घटनेमुळे परिसरात खळबळ उडाली आहे. दरम्यान घटनेच्या चार तासातच दोन संशयितांना पोलिसांनी (Police) अटक केली आहे. (Latest Marathi News)
जळगाव जिल्ह्यातील सावदा शहरामधील कोचूर रस्त्यावर रवींद्र बेंडाळे यांच्या शेतात काम करत असलेला सालदार सुभाराम रिचू बारेला (वय ४५, रा. आंबळी, ता. झिरण्या, जि.खरगोन, मध्य प्रदेश) हा शेतात बांधलेल्या खोलीत राहत होता. दरम्यान, ३० मार्चला सकाळी साडेसातच्या सुमारास सुभाराम बारेला हा कामावर आला नाही. (Crime News) म्हणून शेतमालकाने चौकशी केली असता शेतातील घरात त्याचा मृतदेह रक्ताच्या थारोळ्यात आढळून आला. याबाबत लोकेश बेंडाळे यांनी पोलिसांना माहिती दिली.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
सावदा पोलिस ठाण्याचे पथक घटनास्थळी दाखल झाले. पंचनामा करून पोलिसांनी तपासाची चक्रे फिरवली. परिसरातील सालगडी म्हणून काम करणाऱ्या सर्व मजुरांची माहिती घेतली. त्यावरून दोन सालगडी त्यांच्या कामाच्या व राहण्याच्या ठिकाणी आढळून आले नाहीत. त्यावरून त्यांची माहिती घेण्यास सुरवात केली असता ते त्यांच्या मालकाकडून सकाळीच रोजंदारीचे पैस घेऊन गेल्याचे समजले. त्यांचा शोध सुरु केला. या दरम्यान उदळी गावात असलेले संशयित सुकलाल रतन लोहारे (रा. नेपानगर) व अर्जुन मुन्ना आवासे (रा. बऱ्हाणपूर) यांना ताब्यात घेतले व पोलिस ठाण्यास आणले. पोलिसांनी चौकशी केली असता त्यांनी गुन्ह्याची कबुली दिली.
प्रथमदर्शनी केलेल्या चौकशीत मृत सुभाराम बारेला व दोन्ही संशयित यांच्यात भांडण झाले होते. या भांडणाचा वचपा काढण्यासाठी संशयित सुकलाल लोहारे व अर्जुन आवासे यांनी सुभाराम झोपेत असताना डोक्यात दगड टाकून त्याचा खून केल्याचे निष्पन झाले आहे. याबाबत गुन्ह्याचे कारणाचा अधिक तपास करण्यात येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.