चाळीसगाव (जळगाव) : घरी कपड्यांना इस्त्री करत असताना एका इसमाचा मृत्यू झाल्याची घटना चाळीसगाव (Chalisgaon) तालुक्यातील खेडगाव या गावात घडली. याप्रकरणी मेहुणबारे पोलीस ठाण्यात अकस्मात (Death) मृत्यूची नोंद करण्यात आली आहे. (Breaking Marathi News)
विजय माधवराव साळुंखे (वय ५७) असे मृत झालेल्या इसमाचे नाव आहे. विजय साळुंखे हे आपल्या परिवारासह चाळीसगाव तालुक्यातील खेडगाव येथे वास्तव्याला होते. शेतीचे काम करून ते कुटूंबाचा चरितार्थ चालवत होते. (Jalgaon) दरम्यान २७ मार्चला सकाळी ते घरीच कपड्यांना इस्त्री करण्याचे काम करत होते. इस्त्री करत असताना त्यांना अचानक विजेचा जोरदार झटका बसला. (Electric Shock) विजेचा झटका बसल्याने ते फेकले गेले. कुटुंबातील सदस्यांनी त्यांना मेहुणबारे ग्रामीण रूग्णालयात दाखल केले असता वैद्यकीय अधिकारी यांनी मयत घोषीत केले.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
कुटुंबीयांचा आक्रोश
विजय साळुंके यांच्या मृत्यूची बातमी कळताच रुग्णालयात आलेल्या नातेवाईकांनी एकच आक्रोश केला. याप्रकरणी मेहुणबारे पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस नाईक अनवर तडवी हे करीत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
