Jalgaon Crime News : दारूच्या नशेत ६५ वर्षीय वृद्धाकडून चिमुकलीवर अत्याचार

जळगाव : दारू पिऊन नशेत असलेल्या एका ६५ वर्षीय वयोवृध्दाने पाच वर्षीय चिमुकलीवर अत्याचार केल्याची घटना रावेर (Raver) तालुक्यातील एका गावात घडली आहे. या प्रकरणी तक्रार दाखल झाल्यानंतर पोलिसांनी संशयितास अटक केली आहे. (Live Marathi News)

रावेर तालुक्यातील एका गावातील पीडित चिमुरडी हि तिच्या आजीच्या घरी मागील एक महिन्यापासून राहत होती. दरम्यान १८ फेब्रुवारीला दुपारी घरात कोणीही नसताना संशयित वामन बळिराम घटे (वय ६५) याने पाच वर्षीय चिमुकलीवर लैंगिक (Crime News) अत्याचार केला. दरम्यान, संशयित हा (Jalgaon) गोलवाडे (ता. रावेर) येथील रहिवासी आहे. घडला प्रकार मुलीने घरात सांगितल्यानंतर कुटुंबीयांनी पोलिसात धाव घेत तक्रार दिली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

संशयितास अटक 

या प्रकरणी निंभोरा पोलिस (Police) ठाण्यात पोक्सो कायद्यांतर्गत गुन्हा दाखल झाला असून, पोलिसांनी संशयितास अटक केली आहे. त्यास रावेर न्यायालयात हजर केले असता चार दिवसाची पोलिस कोठडी देण्यात आली आहे. निंभोरा पोलिस ठाण्याचे सहाय्यक निरीक्षक हरिदास बोचरे तपास करीत आहेत.