जळगाव : शेतमजुरीचे काम करत कुटुंबाचा उदरनिर्वाह करत असलेल्या तरुणाचा तलावात बुडून मृत्यू झाल्याची घटना घडली आहे. रविवारी दुपारच्या सुमारास तलावावर मासे पकडण्यासाठी गेला असता पाय घसरल्याने तरुण तलावात पडला. येथून बाहेर निघता न आल्याने बुडून मृत्यू झाल्याची घटना जळगाव तालुक्यातील चिंचोली शिवारात घडली आहे. घटनेची माहिती मिळताच कुटुंबीयांनी एकच आक्रोश केला.
जळगाव तालुक्यातील चिंचोली येथील पिंटू बुधा पवार (वय २८) असे मृत तरुणाचे नाव आहे. पिंटू पवार गावात शेतमजुरीचे काम करून कुटुंबाचा उदनिर्वाह चालवत होते. दरम्यान जिल्ह्यात चांगला पाऊस झाल्याने नद्यांना पूर असून तलावात देखील पाणीसाठा वाढला आहे. या तलावात मासे पडले असल्याने रविवारी (ता. १४) पिंटू हा सायंकाळच्या सुमारास वाकी नदीजवळील तलावात मासे पकडण्यासाठी गेला होता.
पाय घसरून तलावात पडला
दरम्यान सायंकाळी सहाच्या सुमारास वाकी नदीच्या तलावात मासे पकडण्यासाठी गेला असताना मासे पकडत असताना तलावाच्या काठावरून अचानक त्यांचा पाय घसरला. यामुळे तो तलावाच्या खोल पाण्यात पडला. मात्र पोहता येत नसल्याने पिंटू यास बाहेर निघता आले नाही. यामुळे त्याचा बुडून मृत्यू झाला. सदरची घटना आजूबाजूच्या नागरिकांचा लक्षात आली.
कुटुंबीयांचा आक्रोश
सदर घटनेची माहिती मिळताच ग्रामस्थांनी तलावाकडे धाव घेतली. मात्र तोपर्यंत उशीर झाला होता. तर घटनेची माहिती पोलिसांना देण्यात आली. यानंतर पोहणाऱ्या तरुणांनी पिंटू यास बाहेर काढून तातडीने शासकीय वैद्यकीय महाविद्यालयात दाखल केले असता वैद्यकीय अधिकारी यांनी तपासणी करून मृत घोषित केले. घटनेची माहिती मिळताच कुटुंबीयांनी एकच आक्रोश केला. पिंटू यांच्या मागे पत्नी, मुलगा, मुलगी, आई-वडील आणि भाऊ असा परिवार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.