दुर्दवी..ट्रकची धडक बालकाचा जागीच मृत्‍यू

जळगाव : मोहाडी गावाजवळ भरधाव ट्रकने दिलेल्या धडकेत दुचाकीवरून जात असलेल्‍या बालकाला चिरडले. यात त्याचा जागीच मृत्यू झाल्याची घटना आज घडली. (jalgaon news truck hit the child and he died on the spot)

मोहाडी येथील सुजय गणेश सोनवणे (वय १३) हा मुलगा आज सकाळी साडेअकराच्या सुमारास जळगावहून मोहाडी गावाकडे जात होता. यावेळी गावाजवळील उताराजवळ भरधाव (Accident) ट्रकने (क्र. एमएच २८, बी ७७०३) दुचाकीला (क्र. एमएच १९, डीएम ११) जोरदार धडक दिली. यात बालक हा ट्रकच्‍या चाकाखाली आल्‍याने त्‍याचा जागीच मृत्यू (Accident Death) झाला.

ग्रामस्‍थांची धाव

दुर्घटनेची माहिती मिळताच परिसरातील नागरिकांनी घटनास्थळी धाव घेतली. यानंतर सुजयचा मृतदेह जिल्हा रूग्णालयात (Hospital) आणला असून तेथे आप्तांनी प्रचंड गर्दी केली आहे. सुजयचा मृतदेह पाहून आई, वडीलांनी आक्रोश केला. जिल्‍हा परिषदेचे माजी सभापती प्रभाकर सोनवणे यांचा तो नातू होता