अवकाळीच्‍या शक्‍यतेने शेतकरी चिंतेत

धुळे : हवामान विभागातर्फे राज्यात अवकाळीची शक्यता वर्तविली आहे. यात मागील दोन– तीन दिवसांपासून धुळ्यात ढगाळ वातावरण निर्माण झाले आहे. यामुळे शेतकरी चिंतेत पडला आहे. (Dhule news Farmers worried about untimely harvest)

अरबी समुद्रामध्ये कमी दाबाचा पट्टा तयार झाला आहे. यामुळे राज्यामध्ये अवकाळी पावसाची शक्‍यता हवामान विभागातर्फे वर्तविण्यात आली आहे. हवामान विभागाच्या अंदाजानंतर सर्वत्र ढगाळ वातावरण निर्माण झाले आहे. त्‍यानुसार धुळ्यात (Dhule) देखील ढगाळ वातावरण पाहावयास मिळत आहे.

संकट उभे

यापूर्वी देखील काही दिवसांपूर्वी अवकाळी पावसाने जोरदार हजेरी लावल्यामुळे शेतकऱ्यांचे (Farmer) अतोनात नुकसान झाले होते. आता पुन्हा एकदा अवकाळीची शक्यता हवामान विभागातर्फे वर्तविण्यात आल्यानंतर शेतकरी राजा पुन्हा एकदा चिंतेत सापडला आहे