जळगाव : कर्जबाजारी तरूण शेतकऱ्याने घरामध्ये गळफास घेवून जीवनयात्रा संपविली. सदर घटना बुधवारी (Jalgaon) सायंकाळी ७ वाजेच्या सुमारास देव्हारी (ता. जळगाव) या गावात उघडकीस आली. अमोल अरूण वाघ (२४) असे मृत शेतकऱ्याचे (Farmer) नाव असून याप्रकरणी पोलिसात अकस्मात मृत्यूची नोंद करण्यात आली आहे. (Breaking Marathi News)
देव्हारी (ता. जळगाव) येथे अमोल वाघ हा तरूण शेतकरी आजोबा सोनाजी वाघ, आई कल्पनाबाई यांच्यासह वास्तव्यास होता. शेती असल्‍याने शेतीसाठी सोसायटीचे कर्ज घेतले होते. मात्र, अपेक्षीत उत्पन्न नसल्यामुळे कर्ज फेडायचे कसे? या विवंचनेत अमोल होता. दरम्यान, बुधवारी सायंकाळी आजोबा आणि आई घराबाहेर बसले असताना अमोलने घरामध्ये गळफास घेवून आत्महत्या केली. आजोबा, आई घरात आल्यानंतर अमोल गळफास घेतलेल्या अवस्थेत दिसून आला. त्यानंतर ग्रामस्थांच्या मदतीने अमोलचा मृतदेह खाली उतरवून जिल्हा रूग्णालयात आणले. परंतु वैद्यकीय अधिकाऱ्यांनी त्याला मृत घोषित केले.
वडीलांनी देखील केली होती आत्महत्या
अमोल घरात एकूलता एक मुलगा होता. पाच वर्षांपूर्वी वडील अरूण वाघ यांनी देखील पेटवून घेवून आत्महत्या केली होती. त्यामुळे आई व आजोबांची जबाबदारी अमोलवरच होती. मात्र अमोलने उचललेल्‍या या पावलामुळे दोन्‍हींचा आधार गेला आहे. यामुळे परिवारावर दुखाचा डोंगर कोसळला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
