मोबाईलमध्ये चित्रीकरण करत गळफास

जळगाव : जळगाव शहरातील पिंप्राळा भागात २४ डिसेंबरला रात्री धक्कादायक घटना घडली आहे. अवघ्या सतरा वर्षीय तरुणाने मोबाईलमध्ये चित्रीकरण करून गळफास घेत मृत्यूला कवटाळले. घनश्याम भोई (वय १७) असे मयत तरुणाचे नाव आहे. (jalgaon-news-suicide-case-young-man-Hanging-while-video-filming-in-mobile)

घनश्याम संजय भोई हा आई- वडील, बहीण अशा कुटुंबीयांसह पिंप्राळ्याच्या सेट्रल बँक कॉलनीत राहत होता. कुटुंबातील इतर सर्व नेरी (जामनेर) येथे नातेवाइकांकडे गेले असताना शुक्रवारी रात्री त्याने गळफास लावून आत्महत्या केली. हा प्रकार शेजारी महिलेच्या लक्षात आल्याने घटना उघडकीस आली. घटनेची माहिती शेजाऱ्यांनी रामानंदनगर पोलीसांना दिल्यावर पोलिस (Police) पथक घटनास्थळावर दाखल झाले. पंचनामा करून मृतदेह जिल्हा शासकीय वैद्यकीय महाविद्यालयात (Jalgaon Medical Collage) हलविण्यात आला. वैद्यकीय अधिकाऱ्यांच्या खबरीवरून रामानंदनगर पोलिस ठाण्यात गुन्ह्याची नोंद झाली आहे.

चित्रीकरणाचे कारण अस्पष्ट

आत्महत्येचे चित्रीकरण कशासाठी केले, याचा मात्र उलगडा झाला नसून पोलिसांनी घनश्यामच्या खोलीतून स्टॅण्डवर लागलेला मोबाईल ताब्यात घेतला. मोबाईलमध्ये गळफास घेतानाचे संपूर्ण चित्रीकरण झाले असून आत्महत्येच्या नेमक्या कारणांचा शोध पोलिस घेत आहे. दाखल गुन्ह्याचा तपास साहाय्यक फौजदार अनमेाल पटेल करत आहेत.