दुर्देवी..खेळताना उकळत्‍या दुधात पडला; चिमुरड्याचा मृत्‍यू

जळगाव : पिंप्री खुर्द (ता.धरणगाव) येथे बहिणीसोबत घरात खेळत असताना उकळत्‍या दुधात अडीच वर्षीय रोहन पडला. यामुळे तो भाजला गेला होता. त्‍यास तात्‍काळ रूग्णालयात नेले मात्र बालकाचा उपचारादरम्यान मुंबईतील रुग्णालयात मृत्यू झाला. (jalgaon-news-pimpri-village-fell-into-boiling-milk-while-playing-little-child-death)

पिंप्री खुर्द येथील रोहन सुभाष धोबी असे या चिमुकल्‍याचे नाव आहे. सदर घटना १३ ऑक्टोबरला घडली. रोहनचे आजोबा डेअरीवर कामाला असून घरी दररोज तीन लीटर दूध येते. सकाळी घराबाहेर चुलीवर दुध तापवायला ठेवले होते. या दरम्यान रोहन बहिणीसोबत खेळत असताना उकळत्या दुधात पडून तो ३६ टक्के भाजला होता. त्याला तात्काळ जळगाव येथे हलवले होते.

मुंबईला नेले पण..

जळगाव येथे प्राथमिक उपचार केल्‍यानंतर बालकाला पुढील उपचारांसाठी १४ ऑक्‍टोंबरला मुंबई येथे नेले. आठ– दहा दिवस उपचार झाल्‍यानंतर २४ ऑक्‍टोंबरला चिमुकल्याची मृत्यूशी झुंज अपयशी ठरली. बालकाच्‍या मृत्‍यूमुळे आई, वडील व आजोबांनी आक्रोश केला.