Jalgaon NCP News: कापूस प्रश्नावर राष्ट्रवादी युवक काँग्रेस आक्रमक; जळगावात पुकारने बेमुदत उपोषण

जळगाव : शेतकऱ्याच्या कापसाला भाव मिळत नाही. कापसाची नवीन लागवड होत असताना कापूस विक्री झालेली नाही. यामुळे (Jalgaon) जळगावमध्ये राष्ट्रवादी युवक काँग्रेस (NCP) आक्रमक झाली असून जिल्‍हाधिकारी कार्यालयासमोर बेमुदत उपोषणाला सुरवात केली आहे. (Latest Marathi News)

यंदा देखील कापसाला चांगला (Cotton Price) भाव मिळेल. या आशेने अनेक शेतकऱ्यांनी कापूस विक्री केली नाही. कापसाच्‍या गाठी बाहेरून आयात केली जात असल्‍याने शेतकऱ्याच्या कापसाचा चांगला भाव मिळत नाही. प्रतिक्‍वींटल ७ हजार रूपयांपर्यंत भाव मिळत आहे. यामुळे शेतकऱ्याच्या घरात कापूस पडून आहे. यात आता खरीप हंगामाला सुरवात होत असून नवीन कापसाची लागवड केली जात आहे. अशा कापूस घरात पडून असल्‍याने बळीराजा (Farmer) संकटात आहे.

भाव मिळेपर्यंत उपोषण सुरू

राष्ट्रवादी युवक काँग्रेसच्यावतीने जळगाव जिल्हाधिकारी कार्यालयासमोर बेमुदत उपोषण व धरणे आंदोलन सुरू करण्यात आले आहे. कापसाला 12 हजार रुपये भाव मिळावा. तसेच जोपर्यंत शेतकऱ्यांच्या कापसाबाबत सरकार निर्णय घेत नाही, तोपर्यंत उपोषण मागे न घेण्याचा पवित्रा राष्ट्रवादी युवक काँग्रेसने घेतला आहे.