जळगाव : विधानसभा निवडणुकीची रणधुमाळी सुरु असतानाच ठाकरेंच्या शिवसेनेला जळगावात मोठा धक्का बसला आहे. ठाकरे गटाचे जिल्हा प्रमुख असलेले विष्णू भंगाळे यांनी आपल्या पदाचा राजीनामा दिला असून ते शिंदे गटात प्रवेश करणार असल्याचे सांगितले जात आहे.
विधानसभा निवडणुकीत आपली ताकद वाढविण्याचा प्रयत्न प्रत्येक पक्षाचा आहे. तर काही नाराज असलेले पदाधिकारी व (Shiv Sena) कार्यकर्ते आपल्या पक्षाला सोडचिठ्ठी देत दुसऱ्या पक्षात प्रवेश करत असतात. यातच विधानसभेसाठी होत असलेल्या मतदानाची प्रक्रिया एका दिवसावर असतानाच (Jalgaon News) जळगावत शिवसेना ठाकरे गटाला मोठा धक्का बसला आहे. ठाकरे सेनेचे जिल्हा प्रमुख विष्णू भंगाळे यांनी आपल्या पदाचा राजीनामा दिला असून ते लवकरच शिंदेच्या शिवसेनेत प्रवेश करणार आहेत.
मविआला धक्का
निवडणुकीच्या तोंडावर ठाकरे गटाचे भंगाळे यांनी पक्षाला सोडचिठ्ठी दिल्याने जळगाव शहर मतदारसंघातील महाविकास आघाडीच्या उमेदवार जयश्री महाजन यांना मोठा धक्का मानला जात आहे. तर भंगाळे हे शिंदे गटात प्रवेश करणार असल्याने जळगाव शहर व जळगाव ग्रामीण मतदारसंघातील महायुतीची ताकद वाढणार आहे.
लवकरच प्रवेश
दरम्यान जळगाव शहर मतदारसंघातील भाजप महायुतीचे उमेदवार सुरेश भोळे यांनी विष्णू भंगाळे यांची भेट घेतली आहे. तर भंगाळे हे लवकरच पालकमंत्री गुलाबराव पाटील यांच्या उपस्थितीत शिंदे सेनेत प्रवेश करणार असल्याची माहिती महायुतीचे जळगाव शहराचे उमेदवार सुरेश भोळे यांनी दिली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
