फेसबुकवर बनावट अकाऊंट; तरूणाची केली बदनामी

जळगाव : सोशल मिडीयाचा गैरवापर होत आहे. बनावट खाते ओपन करून बदनामी केल्‍याचे प्रकार झाले आहेत. यात फेसबुकवर अज्ञात व्यक्तीने तरूणांच्‍या नावाने बनावट अकाऊंट तयार करून सोशल मीडियात बदनामी केल्याचा प्रकार समोर आला आहे. याप्रकरणी जळगाव सायबर पोलीस ठाण्यात गुन्हा दाखल करण्यात आला आहे. (jalgaon-news-cyber-crime-Fake-account-on-Facebook-and-Defamation-of-youth)

चोपडा येथील प्रसादनगरातील वरदान सिंग ठाकूरसिंग चव्हाण (वय ३२) हा तरूण शिक्षण घेत आहे. अज्ञात व्यक्तीने वरदानसिंग चव्हाण यांच्या नावाने बनावट फेसबुक अकाऊंट १५ नोव्हेंबरला तयार केले. त्यानंतर चव्हाण यांच्या ओळखीच्या लोकांना संदेश पाठवून बदनामी करत असल्याचे समोर आले.

अज्ञाताविरूद्ध गुन्‍हा दाखल

सदरचा प्रकार लक्षात आल्यानंतर चव्हाण याने जळगाव सायबर पोलीस ठाण्यात तक्रार दिली. त्यांच्या तक्रारीवरून जळगाव सायबर पोलीस ठाण्यात १७ नोव्हेंबरला अज्ञात व्यक्तीविरोधात गुन्हा दाखल करण्यात आला आहे. पुढील तपास पोलीस निरीक्षक लिलाधर कानडे करीत आहे.