Corona: तिसऱ्या लाटेला महिनाभरातच ‘ब्रेक’; कोरोनाचा आलेख उतरता

जळगाव : राज्यातील व देशातील प्रमुख शहरांमध्ये डिसेंबरअखेर कोरोनाची तिसरी लाट येऊन महिनाभरात ओसरू लागली. तशी जळगाव जिल्ह्यातही जानेवारीपासून तिसरी लाट सुरू होऊन महिनाभरात त्याला ‘ब्रेक’ लागला आहे. गेल्या आठवड्यापर्यंत (Corona) चारशेवर दैनंदिन रुग्णांची संख्या असताना आता ती दोन- अडीचशेपर्यंत खाली आली आहे. (jalgaon news corona third wave breaks within a month)

जळगाव (Jalgaon) जिल्ह्यात जानेवारीच्या पहिल्या दिवसापासून कोरोनाची रुग्णसंख्या वाढू लागली. सुरवातीला जळगाव शहरासह (Jalgaon Corona Update) भुसावळ हॉटस्पॉट ठरु लागले व रुग्णही वाढले. गेल्या आठवड्यापर्यंत या दोन्ही शहरांमधील दररोज आढळून येणाऱ्या रुग्णसंख्येत मोठी वाढ होत होती. दोन्ही ठिकाणी दररोज शंभर, दीडशेवर रुग्ण समोर येत होते. आणि जिल्ह्यातील अन्य तालुक्यांच्या व ग्रामीण ठिकाणी रुग्ण स्थिर होते.

बरे होणाऱ्यांची संख्या वाढली

या आठवड्यात जळगाव, भुसावळातील (Bhusawal) दररोजची रुग्णसंख्या घटत आहेत. तर दररोज बरे होणाऱ्यांची संख्या झपाट्याने वाढत आहे. अन्य ठिकाणी, म्हणजे विशेषत: चोपडा, अमळनेर, चाळीसगाव व जामनेर तालुक्यात दररोजचे रुग्ण वाढत आहेत. आठवडाभर अशीच स्थिती राहून जिल्ह्यात सर्वच ठिकाणचे रुग्ण घटू लागतील. त्यामुळे महिनाभरात तिसरी लाट (Corona Third Wave) ओसरु लागल्याचे दिलासादायक चित्र समोर आले आहे.

अशी आहे आठवड्यातील स्थिती

तारीख---- नवे रुग्ण--- बरे झालेले

२४ जाने----३४४-----१५७

२५ जाने----४८९-----३४९

२६ जाने ----२८१----२१६

२७ जाने----३३८-----४०९

२८ जाने----३७४------४६८

२९ जाने----२६८-----४५१

३० जाने----२०६-----४२३