जळगाव : पाचोरा शहरात सोमवारची पहाट थरकाप उडविणारी झाली. केवळ दुचाकीचा कट लागल्याचे क्षुल्लक कारणाने रागातून दोन तरुणांना लाठ्या– काठ्यांनी जबर मारहाण झाली. यात एका तरुणाचा चॉपरने भोसकून खून (Jalgaon Crime) करण्यात आल्‍याची घटना घडली आहे. (jalgaon news pachora The reason for the cut of the bike young man in a beating)
पाचोरा (Pachora) शहरातील पुनगाव रोड स्थित बुऱ्हाणी शाळेसमोरील मोकळ्या जागेत सदर घटना घडली. रविवारी (३० जानेवारी) सायंकाळी पावणे सातच्या सुमारास सदर घटना घडली. याबाबत सनी रवींद्र देवकर (वय २३, रा. गाडगेबाबानगर, पाचोरा) यांनी फिर्याद दिली आहे. शहरातील पुनगाव रोडवरील पुराणी शाळेच्या समोरील मोकळ्या जागेत दुचाकी वाहनाचा कट लागला म्हणून संशयित आरोपी लोकेश उर्फ विकी शामराव शिंदे, मयुर दिलीप पाटील, राकेश उर्फ सचिन राजेंद्र चौधरी, राहुल पाटील, चेतन उर्फ स्टोयलेश पाटील, सागर प्रकाश पाटील, अविनाश उर्फ भद्रा सुरेश पाटील, पवन पाटील (सर्व रा.पाचोरा) यांनी फिर्यादी सनी देवकर यास काठी, लाकडी दांडक्याने, फायटरने मारहाण (Crime) केली.
संशयितांना पहाटे अटक
सनीचा मित्र भूषण नाना शेवरे (वय २३) यालाही जबर मारहाण करीत चॉपरने पोटात भोसकले. यामुळे परिसरात तणाव निर्माण झाला. जखमींना रुग्णालयात दाखल केले असता तिथे भूषण नाना शेवरे याला वैद्यकीय अधिकार्‍यांनी मृत घोषित केले. पाचोरा पोलिसांना (Police) माहिती मिळताच पोलीस निरीक्षक किसन नजनराव पाटील यांनी सहकाऱ्यांसह तात्काळ परिस्थितीवर नियंत्रण मिळवले. तसेच जखमींची फिर्याद मिळाल्यावर आज (३१ जानेवारी) पहाटे चार वाजेच्या सुमारास लोकेश शिंदे, मयुर पाटील, राकेश चौधरी, सागर पाटील, अविनाश पाटील यांना अटक केली आहे. या प्रकरणी पाचोरा पोलीस स्थानकात खुनाच्या गुन्ह्यासह गंभीर मारहाणीचा गुन्हा दाखल करण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.