कजगाव (जळगाव) : सातबारा उताऱ्यावर वारसांचे नाव लावण्यासाठी दीड हजार रूपयांची लाच (Bribe) घेणाऱ्या भोरटेक (ता. भडगाव) येथील तलाठीसह महिला कोतवालास लाचलुचपत विभागाच्या (ACB) पथकाने रंगेहात पकडले. या कारवाईमुळे महसुल विभागात खळबळ उडाली आहे. (Breaking Marathi News)
भोरटेक (ता. भडगाव) येथील रहिवासी असलेल्या तक्रारदार शेतकऱ्यांकडे वडीलोपार्जीत जमीन आहे. या जमिनीच्या सातबारा उताऱ्यावर वारसांची नावे लावण्यासाठी तलाठी कार्यालयात अर्ज केला होता. वारसांची नावे लावण्यासाठी संशयित आरोपी तलाठी सलीम अकबर तडवी (वय ४४) याने सुरूवातीला १ हजार रूपयांची लाच घेतली होती. त्यानंतर पुन्हा तक्रारदार यांच्याकडे १ हजार ५०० रूपयांची मागणी महिला कोतवाल कविता नंदु सोनवणे (वय २७ रा. तांदलवाडी) यांनी केली.
याबाबत तक्रारदाराने जळगाव लाचलुचपत विभागाकडे तक्रार केली. तक्रारीची पडताळणीसाठी विभागाच्या पथकाने आज (१४ एप्रिल) दुपारी सापळा रचला. भारतरत्न डॉ. बाबासाहेब आंबेडकर जयंतीनिमित्त शासकीय सुटी असतानाही शासकीय कामे करण्यासाठी तलाठी आणि कोतवाल हे तलाठी कार्यालयात होते. त्यावेळी तक्रारदार यांच्याकडून १ हजार ५०० हजार रूपयांची लाच घेतांना लाचलुचपत विभागाने रंगेहात पकडले. याप्रकरणी दोन्ही संशयित आरोपीतांविरुद्ध भडगाव पोलीस स्टेशन येथे गुन्हा दाखल करण्याचे काम सुरू आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
