Jalgaon : मध्यरात्री काळाचा घाला, दुचाकीवर जाणाऱ्या ४ मित्रांचा मृत्यू, जळगावमध्ये भीषण अपघात

संजय महाजन, जळगाव प्रतिनिधी

Four Jamner friends killed in Pimpalgaon accident : जळगावमध्ये भीषण अपघातात ४ मित्रांचा जागीच मृत्यू झाल्याची ह्दयद्रावक घटना घडली आहे. मध्यरात्री दुचाकीवरून मित्र जामनेरहून निघाले होते, त्यावेळी तीव्र वळणार एका मालमाहू वाहनाने जोरात धडक दिली. ही धडक इतकी भयंकर होती की दुचाकीवरील चारही जणांचा जागीच मृत्यू झाला आहे. मालवाहून वाहनाचा चालक जखमी झाला आहे. अपघातानंतर महामार्गावर वाहतूककोंडी झाली होती. पोलिसांनी तात्काळ घटनास्थळी धाव घेतली.

जळगावातील पहूर- जामनेर रस्त्यावर पिंपळगाव गोलाईत गावाजवळ मध्यरात्री भीषण अपघात झाला. एका मालवाहू वाहनाने दुचाकींना जोरात धडक दिली. या अपघातात चार जणांचा मृत्यू झाला आहे. अतुल चंद्रकांत सुरवाडे, अंकुश सुरेश लोखंडे, अजय फकिरा साबळे आणि रवी सुनील लोंढे अशी अपघातात मृत झालेल्या चार तरूणांची नावे आहेत. चारही मृत जामनेर शहरतील रहिवासी आहेत. ते चांगले मित्र होते. काळने घाला घातल्याने चारही मित्राचा दुर्दैवी अंत झाल्याने हळहळ व्यक्त केली जात आहे.

या भीषण अपघातात मालवाहू गाडीचा चालक जुबेर कुरैशी हा जखमी झाला आहे. पहूर पोलिसांनी स्थानिक ग्रामस्थांच्या मदतीने मृतदेह जामनेर शासकीय रुग्णालयात दाखल केले आहे. मृतदेह पोस्टमार्टमसाठी पाठवण्यात आले आहेत. चारही मित्र जामनेरकडे येत असताना पिंपळगावजवळील वळणावर जामनेरहून पहूरकडे जाणाऱ्या मालवाहू वाहनाने धडक दिल्याने हा अपघात झाल्याची प्राथमिक माहिती मिळाली आहे.

चार मित्रांचा अपघातात मृत्यू झाल्याने जामनेरमध्ये हळहळ व्यक्त करण्यात येत आहे. पोलिसांनी घटनास्थळी धाव घेत मालवाहू चालकाच्या विरोधात गुन्हा दाखल केला आहे. पोलिसांकडून त्याचा जबाब नोंदवण्यात आला आहे. चार जण जामनेरकडे कुठून येत होते? त्यांनी मद्य प्राशन केले होते का? मालवाहू ट्रक चालकाने दारू प्यायली होती का? अपघात कसा झाला? याचा तपास पोलिसांकडून केला जात आहे. चौघांच्या जाण्याने जामनेर शहरावर दुखाचे सावट आहे. प्रत्येकजण हळहळ व्यक्त करत आहे.