Dharangaon News : सासरच्या जाचाला कंटाळून विवाहितेने संपविले जीवन 

धरणगाव (जळगाव) : लग्नाला दहा वर्षाचा कालावधी झाला असताना सासरच्या मंडळींकडून वारंवार होत असलेल्या त्रासाला कंटाळून विवाहितेने आत्महत्या केल्याची घटना (Dharangaon) धरणगाव तालुक्यातील अनोरे येथे घडली आहे. या घटनेनंतर माहेरच्या मंडळींनी पतीला चांगलाच चोप दिला आहे. (Tajya Batmya)

शीतल संतोष पाटील (वय ३४) असे मयत विवाहितेचे नाव आहे. वाडी भोकर (जि. धुळे) (Dhule) येथील माहेर असलेल्या शीतल पाटील यांचा २०१३ मध्ये धरणगाव तालुक्यातील अनोरे येथील संतोष हिरामण पाटील यांच्याशी विवाह झाला होता. मात्र सासरची मंडळी २०१३ पासून शारीरिक व मानसिक छळ करीत होते. या जाचाला (Jalgaon) कंटाळून शीतल यांनी गावातीलच संतोष चौधरी यांच्या शेतातील विहिरीत उडी मारत आत्महत्या केली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

शीतल यांनी आत्महत्या केल्याची माहिती माहेरच्यांना मिळाल्यानंतर अनोरे येथे येत पती संतोष पाटील यास मारहाण केली. यावेळी काहींनी मध्यस्थी केल्यामुळे अनर्थ टळला. तसेच या प्रकरणी कौतिक भिवसन पाटील यांच्या फिर्यादीवरून पती संतोष हिरामण पाटील, सासू राजपुरबाई हिरामण पाटील, सासरे हिरामण अभिमन पाटील (Police) यांच्याविरुद्ध गुन्हा दाखल करण्यात आला आहे. पोलिस उपनिरीक्षक सय्यद करीम तपास करीत आहेत.