Gadchiroli News : नक्षल समर्थकास अटक; पकडणाऱ्यास शासनाने जाहीर केले होते दीड लाखाचे बक्षीस

मंगेश भांडेकर
गडचिरोली : महाराष्ट्र शासनाने जाहीर त्याच्यावर दीड लाख रुपयांचे बक्षीस जाहीर केलेल्या आरोपीचा शोध (Gadchiroli) सुरु होता. विविध गुन्ह्रात सहभागी असलेल्या या कट्टर नक्षल समर्थकास गडचिरोली पोलीसांनी अटक केली आहे. (Latest Marathi News)

पेका मादी पुंगाटी (वय ४९, रा. मिरगुळवंचा, ता. भामरागड, जि. गडचिरोली) असे अटक करण्यात आलेल्याचे नाव आहे. १९ डिसेंबर २०२३ रोजी हिद्दुर गावामध्ये असलेल्या गोटुलजवळ (Naxal) लावण्यात आलेल्या ३ टॅक्टर व १ जेसीबी जाळपोळ करुन तेथील मजुरांना मारहाण व दमदाटी करण्याच्या प्रकरणात त्याचा प्रत्यक्ष सहभाग आहे. याचा (Gadchiroli Police) पोलिसांकडून शोध सुरु होता. तसेच या आरोपीस पकडून देणाऱ्याला महाराष्ट्र शासनाकडून दीड लाख रुपयांचे बक्षीस जाहीर करण्यात आले होते. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नाकाबंदी करत असताना सापडला 

दरम्यान भामरागड हद्दीमध्ये भामरागड क्युआरटी, पोलीस स्टेशन भामरागड पार्टी व सिआरपीएफचे जवान परिसरातंर्गत नाकाबंदी करीत असतांना त्यांना एक व्यक्ती संशयीतरित्या वावरत असतांना दिसून आला. पोलिसांनी त्यास ताब्यात घेऊन अधिक चौकशी केली असता, तो नक्षल समर्थक असल्याचे स्पष्ट झाले. यानंतर पोलिसांनी त्याला ताब्यात घेतले.