Gadchiroli News : गडचिरोली पोलिसांची मोठी कारवाई, ३६ लाखांचं बक्षीस असणाऱ्या ४ नक्षलवाद्यांचा खात्मा

मंगेश भांडेकर | गडचिरोली

Gadchiroli News :

गडचिरोली जिल्ह्यातील रेपनपल्लीच्या जंगलात सोमवारी रात्री पोलीस-नक्षलवाद्यांमध्ये चकमक झाली. या चकमकीत पोलिसांनी चार नक्षलवाद्यांना ठार केलं आहे. अहेरी तालुक्याअंतर्गत येणाऱ्या रेपनपल्लीच्या जंगलात काल रात्री ही चकमक झाली. सध्या घटनास्थळी पोलिसांचे सर्च ॲापरेशन सुरू असल्याची माहिती मिळत आहे. लोकसभा निवडणुकीच्या पार्श्वभूमीवर पोलिसांच्या C-60 पथकाने केलेली ही कारवाई मोठे यश मानले जाते.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पोलिसांनी खात्मा केलेल्या चार नक्षलवाद्यांवर 36 लाखांचे बक्षीस होते. चकमकीनंतर पोलिसांनी मोठ्या प्रमाणात शस्त्रास्त्र देखील जप्त केली आहेत. यामध्ये Ak-47, एक कारबाईन, २ कट्टे नक्षली साहित्य इत्यादी जप्त करण्यात आले आहेत. (Latest Marathi News)

लोकसभा निवडणुकीच्या पार्श्वभूमीवर काह दिवसांपूर्वीच देशात आचारसंहिता लागू झाली आहे. लोकसभा निवडणुकीच्या पार्श्वभूमीवर हल्ल्याच्या हेतूने हे नक्षलवादी गडचिरोली येथे आले होते. तेलंगणा राज्य कमिटीच्या या नक्षलवाद्यांनी प्रंहिता नदिमार्गे गडचिरोलीत प्रवेश केल्याची माहिती मिळाली होती.

त्यानंतर C-६० आणि CRPF च्या जलद कृती दलाच्या टीमने शोधमोहीम सुरु केली होती. अतिरिक्त पोलीस अधीक्षक (ऑपरेशन) यातिष देशमुख यांच्या नेतृत्वाखाली ही शोधमोहिम राबवण्यात आली. पोलीस मदत केंद्र रेपनपल्लीच्या 5 किमी अंतरावर कोलामार्का जंगलामध्ये आज पहाटे शोध घेत असताना 4 नक्षल्यानी C60 दलांच्या एका पथकावर अंदाधुंद गोळीबार केला. C60 पथकांने देखील याला जोरदार प्रत्युत्तर दिले. गोळीबार थांबल्यानंतर आणि परिसराची झडती घेतल्यानंतर 4 पुरुष नक्षलवाद्यांचे मृतदेह सापडले

ठार केलेल्या नक्षलवाद्यांची नावे

मृतांमध्ये डीव्हीसीएम वर्गेश, ⁠डीव्हीसीएम मगटू, कुरसंग राजू, कुडिमेट्टा व्यंकटेश या नक्षलवाद्यांचा समावेश आहे.