Bhusawal Crime News: सोने– चांदीसह ३५ हजाराचा मुद्देमाल चोरीला

भुसावळ (जळगाव) : शहरातील बाजारपेठ पोलीस स्टेशन हद्दीत लहान हनुमान मंदिराजवळ गोलाणी कॉम्प्लेक्समधील (Jalgaon News) घरातून कोणीतरी अज्ञात चोरट्याने रोख व सोन्या- चांदीचे ३५ हजार रुपयांचे दागिने चोरून नेल्याने (Police) पोलीस ठाण्यात गुन्हा दाखल करण्यात आला आहे. (Tajya Batmya)

भुसावळ शहरातील संजय एकनाथ गोसावी यांच्या घरातून चोरी झाली आहे. भुसावळ (Bhusawal) शहरातील बाजारपेठ पोलीस स्टेशन हद्दीत घरफोडीचे सत्र सुरूच आहे. पोलिसांची रात्रीची गस्त संशयास्पद असल्याने नागरिकांमध्ये पोलीस प्रशासनाविरुध्द उलटसुलट चर्चा सुरू आहे. १३ फेब्रुवारीला रात्री दहा ते १४ फेब्रुवारीच्‍या सकाळी साडेआठ वाजेच्या दरम्यान हा प्रकार झाला आहे.

असा गेला मुद्देमाल

गोलाणी कॉम्प्लेक्स येथील घराचा लाकडी दरवाजाचा कडीकोंडा तोडून घरात प्रवेश केला. चोरट्यांनी वीस हजार रुपये रोख, तीन हजार रुपये किंमतीचे १ ग्रॅम वजनाचे सोन्याचे सात मणी, तीन हजार रुपये किंमतीचे १ ग्रॅम वजनाची सोन्यांची वाटी, नऊ हजार रुपये किंमतीचे ३० ग्रॅम वजनांचे दोन चांदीचे कडे असे एकूण ३५ हजार रुपये किंमतीचे रोख रुपये व सोन्या- चांदीचे दागिने चोरून नेले. पोलीस निरीक्षक राहुल गायकवाड यांच्या आदेशावरून फिर्यादी संजय एकनाथ गोसावी यांनी दिलेल्या फिर्यादीवरून बाजारपेठ ठाण्यात अज्ञात इसमांविरुद्ध गुन्हा दाखल करण्यात आला आहे.