Jalgaon Accident News: डोळ्यादेखत आईचा मृत्यू; उपचारादरम्‍यान मुलानेही मिटले डोळे

जळगाव : मुंबई- नागपूर राष्ट्रीय महामार्गावर मंगळवारी (३ जानेवारी) दोन दुचाकींची समोरासमोर धडक झाली होती. या अपघातात मुलाच्या दुचाकीवर बसलेली आई अंगावरून ट्रक गेल्याने जागीच ठार झाली होती. त्यांचा गंभीर जखमी मुलगा कामील याचाही बुधवारी (ता. ४) उपचारादरम्यान मृत्यू झाला. (Tajya Batmya)

जळगाव (Jalgaon) शहरातील समतानगरमधील रहिवासी अल्ताफ बेग यांच्या पत्नी जुबेदाबी मुलगा कामील बेग (वय २०) सावदा येथून साखरपुडा आटोपून दुचाकीने जळगावला येत होता. नशिराबादजवळ समोरून येणाऱ्या दुचाकीस्‍वाराने कामील बेग याच्या दुचाकीला (Accident) धडक दिली. या अपघातात दोन्ही दुचाकीस्वार खाली फेकले गेले. तर कामीलची आई जुबेदाबी यांच्या अंगावरून सुसाट ट्रक गेल्याने त्या जागीच ठार झाल्या.

अखेर प्राणज्योत मालवली

गंभीर जखमी कामील बेग याच्यावर डॉ. उल्हास पाटील वैद्यकीय महाविद्यालयात उपचार सुरू होते. तेथे उपचार सुरू असताना बुधवारी सायंकाळी कामील बेग याची प्राणज्योत मालवली. घटनेची माहिती मिळताच कुटुंब व नातेवाइकांनी रुग्णालयात धाव घेतली. रात्री आठला कामील बेग याचा मृतदेह जिल्‍हा रुग्णालयात आणला.