नागपूरमध्ये इबोलाचा अलर्ट; युगांडावरून आलेला नागरिक होम आयसोलेशनमध्ये

पराग ढोबळे, साम टीव्ही

आफ्रिकी देशांमध्ये पुन्हा एकदा इबोलाचा धोकादायक विषाणू डोके वर काढताना दिसतोय. विशेषतः युगांडामध्ये “बुन्डिबुग्यो” स्ट्रेनचा वाढता प्रादुर्भाव लक्षात घेत केंद्र सरकारनं देशभरात अलर्ट जारी केलाय. त्यामुळे आफ्रिकी देशात जण टाळावे, किंवा त्या ठिकाणाहून येणाऱ्या प्रवाश्यांचा बाबतीत विशेष काळजी घेण्याचा सूचना आहे.

सध्या संबंधित व्यक्तीमध्ये कोणतीही लक्षणं नसल्याचं महापालिकेच्या आरोग्य विभागानं स्पष्ट केलंय...तसंच त्या व्यक्तीचा कोणत्याही इबोला रुग्णाशी संपर्कही आला नसल्याची माहिती आहे...मात्र इबोलाचा संसर्ग अत्यंत वेगानं पसरू शकतो, त्यामुळे कोणताही धोका टाळण्यासाठी प्रशासनाकडून सतत मॉनिटरिंग केलं जाणार आहे...

इबोला हा “व्हायरल हॅमरेजिक फीव्हर” प्रकारातील अत्यंत घातक आजार मानला जातो.या आजारात रुग्णाला ताप, अशक्तपणा, उलट्या, रक्तस्राव अशी गंभीर लक्षणं दिसतात. मृत्यूदरही मोठा असल्याने जागतिक आरोग्य संघटनेनं याकडे गंभीरतेनं पाहायला सुरुवात केलीय.

विशेष म्हणजे सध्या चर्चेत असलेल्या “बुन्डिबुग्यो” स्ट्रेनवर अद्याप ठोस लस किंवा निश्चित औषध उपलब्ध नसल्याचं सांगितलं जातंय... त्यामुळे केंद्र सरकारनं नागरिकांना आफ्रिकी देशांमध्ये अनावश्यक प्रवास टाळण्याचा सल्ला दिलाय...

दरम्यान संभाव्य धोक्याचा सामना करण्यासाठी नागपूर मेडिकल प्रशासनही सज्ज झालंय...संशयित रुग्णांसाठी स्वतंत्र आयसोलेशन वॉर्ड तयार करण्यात येतोय...तसंच आवश्यक औषधं, सुरक्षा उपकरणं आणि डॉक्टरांची विशेष टीमही तयार ठेवण्यात आलीय.

कोरोनानंतर आता इबोलाच्या धोक्यानं आरोग्य यंत्रणा पुन्हा सतर्क झालीय. सध्या नागपुरात कोणताही इबोला रुग्ण आढळलेला नसला तरी प्रशासन “प्रिकॉशन इज बेटर दॅन क्युअर” या भूमिकेत दिसतंय.