Holar Samaj News : होलार समाजासाठी महामंडळ स्थापन करावे अन्यथा मुख्यमंत्री एकनाथ शिंदे यांना काळे झेंडे दाखवू असा इशारा स्वाभिमानी होलार समाज संघटनेने आज (बुधवार) पंढरपूर येथे दिला आहे. (Maharashtra News)
स्वाभिमानी होलार समाज संघटनेचे प्रदेश कार्याध्यक्ष शिवाजी जावीर म्हणाले आर्थिक आणि सामाजिक विकासा पासून आणि शैक्षणिक सुविधा पासून राज्यातील हाेलार समाज वंचित राहिला आहे. राज्यातील होलार समाजाच्या विकासासाठी सरकराने आर्थिक विकास महामंडळ स्थापन करावे अशी मागणी जावीर यांनी केली आहे.
जावीर म्हणाले राज्यात सुमारे 40 लाख होलार समाज आहे. समाजाकडे सरकारचे दुर्लक्ष आहे. समाजाच्या विकासासाठी सरकारने आर्थिक विकास महामंडळ स्थापन करावे, अभ्यास आयोग स्थापन करावा, महापुरुषांविषयी वादग्रस्त वक्तव्य करणा-या संभाजी भिडेंवर कारवाई करावी.
दरम्यान मागण्या मान्य न झाल्यास येत्या 26 ला पंढरपूर दौ-यावर येत असलेल्या मुख्यमंत्री एकनाथ शिंदे (CM Eknath Shinde) यांना काळे झेंडे दाखवून आंदोलन केलं जाईल असा इशारा शिवाजी जावीर यांनी दिला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.