Hingoli News : सुरळीत वीज पुरवठ्यासाठी शेतकरी रस्त्यावर; राज्य महामार्गावर दोन तास रास्ता रोको

हिंगोली : शेतातील पिकांना पाण्याची गरज असताना महावितरणकडून वीज पुरवठा सुरळीतपणे दिला जात नाही. यामुळे पीक करप्ट चालले आहेत. (Hingoli) हिंगोलीमध्ये हिच परिस्थिती असल्याने वीज वितरण विभागाच्या विरोधात आज शेतकरी (Farmer) रस्त्यावर उतरले. यावेळी राज्य महामार्गावर रास्ता रोको आंदोलन देखील केले. (Live Marathi News)

हिंगोली जिल्ह्यातील अनेक भागात शेतकऱ्यांना वीज पुरवठा सुरळीत केला जात नाही. कोणत्याहीवेळी वीज खंडित होत असल्याच्या समस्येला शेतकऱ्यांना तोंड द्यावे लागत आहे. यामुळे पिकांना वेळेत पाणी देता येत नाही. यामुळे संतप्त झालेल्या शेतकऱ्यांनी व उध्दव बाळासाहेब ठाकरे (Shivsena) शिवसेनेच्यावतीने औंढा ते जिंतूर राज्य महामार्ग रोखत रास्ता रोको आंदोलन सुरू करण्यात आले आहे. या आंदोलनात औंढा तालुक्यातील बारा गावातील शेतकऱ्यांनी सहभाग नोंदवला होता, 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

वाहतूक खोळंबली 

शेतकऱ्यांनी महामार्गावर दोन तास केलेल्या (Mahavitaran) आंदोलनामुळे राज्य महामार्गावर मोठ्या प्रमाणात वाहनांच्या रांगा लागल्या होत्या. दरम्यान वीज वितरण विभागाच्या अधिकाऱ्यांनी अखेर लेखी आश्वासन दिल्याने हे आंदोलन मागे घेण्यात आले होते.