Sindhudurg Rain : निर्मला नदीचा पुर ओसरला; दळणवळण सुरु

- विनायक वंजारे

सिंधुदुर्ग : सिंधुदुर्गातील कुडाळ-माणगाव खोऱ्यात मुसळधार पाऊस (rain) झाला. माणगाव खोऱ्यातील निर्मला नदीने (nirmala river) धोकापातळी ओलांडली हाेती. आंबेरी पुलावर गुडघाभर पाणी आले हाेते. त्यामुळे पुढील 27 गांवाचा शहराशी संपर्क तुटला हाेता. कुडाळ (kudal) तालुक्याला जोडणारा हा मुख्य रस्ता असून आंबेरी पुलावरून पाणी जात असल्यामुळे दोन्ही बाजूची वाहतूक (traffic) ठप्प झाली हाेती. सध्या माणगाव खोऱ्यातील निर्मला नदीचा पुर ओसरला. त्यामुळे येथील दळणवळण सुरु झालेली आहे. (Sindhudurg Rain Update)

गेल्या चार तासापासून आंबेरी पुलावर पाणी हाेते. त्यामुळे माणगाव खोऱ्यातील निर्मला नदीला मोठा पुर आला हाेता. परिणामी 27 गांवाचा कुडाळ तालुक्याशी संपर्क तुटलेला हाेता. दोन्ही बाजूची वाहनं अडकून पडली हाेती.

तब्बल सात तासानंतर आंबेरी पुलावरील पाणी कमी झाले. रात्री साडे बारा वाजेच्या दरम्यान पुराचा जोर ओसरला. सावंतवाडी व कुडाळ तालुक्यातून प्रवाशांना घेऊन येणाऱ्या एसटी बस पुरामुळे अडकून पडल्या होत्या. त्यामुळे प्रवासी व वाहन चालकांना मोठा मनस्ताप झाला हाेता.

या पुरामुळे माणगाव खोऱ्यातील 27 गावे होती संपर्काच्या बाहेर हाेती. मात्र आता पुराचा जोर ओसरला असून परिस्थिती पुर्व पदावर आली आहे. त्यामुळे येथील दळणवण सुरु झालेली आहे. नागरिकांनी पावसाचा जाेर लक्षात घेऊन घराबाहेर पडावे असे आवाहन करण्यात आले आहे.

Edited By : Siddharth Latkar