Gold Rate Today: सुवर्णनगरीत दसऱ्याला सोनं खरेदीसाठी ग्राहकांची लगबग; वाचा आजचे दर किती?

आज दसरा आहे. दसऱ्याच्या दिवशी नवीन गोष्टी खरेदी करणे शुभ मानले जाते. आजच्या दिवशी सोने खरेदी करण्याला विशेष महत्त्व आहे. दरम्यान,जळगावला दसऱ्याच्या शुभमुहूर्तावर शहरातील सराफा बाजारात सोने खरेदीची लगबग दिसून आली. परंपरेनुसार, सोने घेणे मंगल मानले जाते. त्यामुळे सकाळपासूनच सराफा दुकाने गजबजली होती. गेल्या काही दिवसांत सोन्याचे भाव झपाट्याने वाढले आहेत.

सध्या २२ कॅरेट सोने प्रतिदहा ग्रॅम एक लाख सात हजार ४५०, तर २४ कॅरेट सोने एक लाख १७ हजार ३०० आहे.GST सह हे दर १ लाख २१ हजार ५०० रुपये आहेत. या वाढलेल्या भावांमुळे अनेकांनी मोठ्या खरेदीऐवजी हलके दागिने, अंगठ्या व नाण्यांना पसंती दिली.

सोने ग्राहकांची पहिली पसंती ठरले .सुरक्षित गुंतवणुकीचा पर्याय म्हणून सोन्या-चांदीकडे वळण्याची प्रवृत्ती वाढली आहे. परिणामी, सोन्या-चांदीच्या भावात सातत्याने वाढ होत आहे.२३ सप्टेंबरला सोने एक लाख १४ हजार ५०० रुपये प्रतिदहा ग्रॅम होते. शनिवारी सोन्याच्या भावात ३०० रुपयांची घट होऊन सोने एक लाख १४ हजार २०० वर पोहोचले. २३ सप्टेंबरला चांदी एक लाख ३६ हजार रुपये प्रतिकिलो होती. शनिवारी त्यात आठ हजारांची वाढ होऊन चांदी एक लाख ४४ हजारांवर पोहोचली होती.

मागच्या वर्षी दसऱ्या सोन्याचे भाव किती?

मागच्या वर्षीच्या तुलनेत या वर्षी सोन्याच्या दरात भरघोस वाढ झाली आहे. मागच्या वर्षी सोन्याचे दर ७६ हजार रुपये आहे. आज हे दर जवळपास १ लाख २१ हजार रुपये झाले आहेत. दरम्यान, चांदीच्याही दरात वाढ झाली आहे. मागच्या वर्षी १ किलो चांदीची किंमत ९३००० रुपये आहे, यावर्षी हे दर १ लाख ५१ हजार रुपये आहे. या दरात खूप जास्त वाढ झाली आहे.