महिन्याच्या शेवटी सोन्याच्या दरात ७०० रुपयांची वाढ
१ तोळा सोनं १,४९,२०० रुपयांवर पोहोचलं
चांदीचा दर २,४४,००० रुपये प्रति किलो
दरवाढीमुळे ग्राहकांचा खरेदीकडे कमी कल
महिन्याच्या शेटवच्या दिवशी सोनं-चांदीच्या दरामध्ये मोठा बदल झाला आहे. जळगावच्या सुवर्ण बाजारात सोनं- चांदीच्या भावात गेल्या दोन दिवस घसरण झाली. आज सराफा बाजार उघडताच सोनं-चांदीच्या दरात वाढ झाल्याचे पाहायला मिळाले. आज चांदीच्या दरात १ हजार तर सोन्याच्या दरामध्ये ७०० रूपयांनी वाढ झाली आहे. सोनं-चांदीच्या दरामध्ये वाढ झाल्यामुळे ग्राहकांनी आज सोनं-चांदी खरेदी करण्याकडे पाठ फिरवली.
मागील काही दिवसांपासून सोनं- चांदीच्या भावात सातत्याने चढ- उतार होत आहेत. गेल्या आठवड्याप्रमाणे या आठवड्यात देखील दर कधी कमी तर कधी वाढले होते. दरम्यान मागील दोन दिवसांपासून सातत्याने दर कमी झाले आहेत. सोमवारी २७ एप्रिल रोजी २४ कॅरेटच्या १ तोळा सोन्याचे दर विनाजीएसटी १ लाख ५१ हजार ५०० रुपये झाले होते. हे दर गुरूवारपर्यंत खाली येऊन १ लाख ४८ हजार ५०० रूपयांवर आले होते. १ किलो चांदीचे दर सोमवारी २७ एप्रिल रोजी विनाजीएसटी २ लाख ४८ हजार रुपये होती. त्यात घसरण होऊन चांदी २ लाख ४३ हजारांपर्यंत खाली आली होती. मात्र आज सोने आणि चांदीच्या दरात मोठी वाढ झाली.
बुधवारी २९ एप्रिलच्या तुलनेत सोनं आणि चांदीच्या दरात वाढ झाली आहे. गुरूवारी सोने १ लाख ४८ हजार ५०० रूपये होते. आज सकाळी सोन्याच्या दरामध्ये ७०० रुपयांनी वाढ झाली. सोन्याचे दर १ लाख ४९ हजार २०० रूपयांवर पोहचले. तर सकाळी चांदीचे दर २००० रूपयांनी खाली येऊन २ लाख ४१ हजार रूपयांवर आले हेाते. मात्र सायंकाळपर्यंत यात पुन्हा ३ हजारांनी वाढ होऊन दर २ लाख ४४ हजार रूपयांवर पोहचले आहेत.
२४ एप्रिल - १ लाख ५० हजार ५००
२५ एप्रिल - १ लाख ५१ हजार ५००
२६ एप्रिल - १ लाख ५१ हजार ५००
२८ एप्रिल - १ लाख ४९ हजार ५००
२९ एप्रिल - १ लाख ४८ हजार ५००
३० एप्रिल - १ लाख ४९ हजार २००
२४ एप्रिल- २ लाख ४५ हजार
२५ एप्रिल- २ लाख ४९ हजार
२६ एप्रिल - २ लाख ४८ हजार
२८ एप्रिल - २ लाख ४२ हजार
२९ एप्रिल - २ लाख ४३ हजार
३० एप्रिल - २ लाख ४४ हजार
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.