Gold Rate Today: सोनं-चांदी महागली! सोनं ३००० तर चांदींच्या दरात ८००० रुपयांनी वाढ; वाचा आजचे २२ आणि २४ कॅरेटचे दर

संजय महाजन, जळगाव

सोनं-चांदी खरेदी करणाऱ्यांसाठी महत्वाची बातमी आहे. आज जळगावच्या सराफा बाजारात सोनं-चांदीच्या दरात मोठी वाढ झाली आहे. सोनं ३००० रुपयांनी तर चांदी ८००० रुपयांनी महागली. सोनं-चांदीच्या दरामध्ये अचानक मोठी वाढ झाल्यामुळे ग्राहकांमध्ये नाराजी आहे.सोनं-चांदी महागल्यामुळे सराफा बाजाराकडे ग्राहकांनी पाठ फिरवली आहे.

मिळालेल्या माहितीनुसार, जळगावच्या सराफा बाजारात सोनं- चांदीच्‍या दरात सातत्‍याने चढउतार पाहण्यास मिळत आहे. जुलै महिन्‍याच्‍या पहिल्‍या दिवशी कमी झालेल्या सोनच्याच्या दरात पुन्‍हा वाढ झाली आहे. सोन्‍याच्‍या दरात ३००० रुपयांनी तर चांदीच्या दरामध्‍ये तब्‍बल ८००० रूपयांची वाढ झाली आहे.गत काही महिन्‍यांपासून सोनं- चांदीच्‍या दरात सातत्‍याने बदल होताना दिसत आहे.

जून महिन्‍याच्‍या शेवटच्‍या आठवड्यात देखील सोनं– चांदीचे दर कमी झाले होते. सोन्‍याच्‍या दरात ५०० रूपयांची घसरण झाली होती. यानंतर जुलै महिन्‍याच्‍या पहिल्‍याच दिवशी म्‍हणजे १ जुलैला सोनं १५०० रुपयांनी तर चांदी २००० रूपयांनी स्‍वस्‍त झाली होती. पण आज जुलै महिन्याच्या दुसऱ्या दिवशी आज सोनं आणि चांदीच्‍या दरात मोठी वाढ झाली आहे.

बुधवारी सोनं विना जीएसटी १ लाख ४० हजार रुपये होते. आज सोन्याच्या दरामध्ये ३००० रुपयांची वाढ होऊन सोने एक लाख ४३ हजार रुपये झाले. तर बुधवारी १ किलो चांदी विनाजीएसटी २ लाख २५ हजार रुपये होती. त्यात आज तब्‍बल ८००० रुपयांची वाढ होऊन चांदी विना जीएसटी २ लाख ३३ हजार रुपयांपर्यंत गेली आहे. सोनं-चांदी महागल्यामुळे ग्राहकांमध्ये नाराजी पाहायला मिळत आहे.

सोन्याचे आठवडाभरातील विना जीएसटी दर किती?

२७ जून - १ लाख ४३ हजार २००

२९ जून - १ लाख ४२ हजार

३० जून - १ लाख ४१ हजार ५००

१ जुलै - १ लाख ४० हजार

२ जुलै- १ लाख ४३ हजार

चांदीचे आठवडाभरातील विना जीएसटी दर किती?

२७ जून-२ लाख २७ हजार

२९ जून- २ लाख २७ हजार

३० जून-२ लाख २७ हजार

१ जुलै-२ लाख २५ हजार

२ जुलै- २ लाख ३३ हजार