Gold Rate Today: महिन्याच्या पहिल्या दिवशी सोनं झालं स्वस्त, १० तोळ्यामागे १२६०० रुपयांची घसरण; वाचा १८- २२ आणि २४ कॅरेटचे दर

• जुलै महिन्याच्या पहिल्याच दिवशी सोन्याच्या दरात मोठी घसरण

• २४ कॅरेट १० तोळा सोनं तब्बल १२,६०० रुपयांनी स्वस्त झालं

• २२ आणि १८ कॅरेट सोन्याचे दर देखील कमी झाले

• १ किलो चांदीच्या दरात ५००० रुपयांची वाढ

Gold Silver Rate Today: सोनं खरेदी करणाऱ्यांसाठी आनंदाची बातमी आहे. सलग तिसऱ्या दिवशी सोन्याच्या दरात मोठी घसरण झाली आहे. जुलै महिन्याच्या पहिल्या दिवशी सोनं स्वस्त झाल्यामुळे ग्राहकांमध्ये आनंदाचे वातावरण आहे. २४ कॅरेटच्या १ तोळा सोन्याच्या दरामध्ये १२६० रुपयांची घसरण झाली आहे. तर २२ आणि १८ कॅरेटचं सोनं देखील स्वस्त झालं आहे. सोनं स्वस्त झालं पण चांदीच्या दरात मोठी वाढ झाली आहे. आज सोनं-चांदी खरेदी करायला जाण्यापूर्वी आजचे दर किती ते जाणून घ्या...

गुड रिटर्न्सने दिलेल्या माहितीनुसार, आज २४ कॅरेटच्या १ तोळा सोन्याच्या दरामध्ये १२६० रुपयांची घसरण झाली. हे सोनं खरेदी करण्यासाठी ग्राहकांना १,४०,७८० रुपये खर्च करावे लागणार आहेत. तर २४ कॅरेटच्या १० तोळा सोन्याच्या दरामध्ये १२६०० रुपयांची घसरण झाली आहे. हे सोनं खरेदीसाठी आज तुम्हाला १४,०७,८०० रुपये खर्च करावे लागणार आहे.

आज २२ कॅरेटच्या सोन्याच्या दरात देखील मोठी घसरण झाली आहे. २२ कॅरेटच्या १ तोळा सोन्याच्या दरामध्ये ११५० रुपयांची घसरण झाली. हे सोनं खरेदीसाठी तुम्हाला १,२९,०५० रुपये खर्च करावे लागतील. तर २२ कॅरेटच्या १० तोळा सोन्याच्या दरामध्ये ११५०० रुपयांची घसरण झाली आहे. हे सोनं खरेदीसाठी तुम्हाला १२,९०,५०० रुपये मोजावे लागतील.

२४ आणि २२ कॅरेट सोन्यापाठोपाठ १८ कॅरेटचं सोनं देखील स्वस्त झालं आहे. १८ कॅरेटचे १ तोळा सोनं ९४० रुपयांनी स्वस्त झालं आहे. हे सोनं खरेदीसाठी तुम्हाला १,०५,५९० रुपये मोजावे लागतील. तर १८ कॅरेटच्या १० तोळा सोन्याच्या दरामध्ये ९४०० रुपयांची घसरण झाली आहे. हे सोनं खरेदीसाठी तुम्हाला १०,५५,९०० रुपये खर्च कारवे लागतील.

दरम्यान, आज चांदीच्या दरात कोणताही मोठा बदल झाला आहे. आज १ ग्रॅम चांदी ५ रुपयांनी महाग झाली आहे. १ ग्रॅमसाठी तुम्हाला २४० रुपये खर्च करावे लागतील. तर १ किलो चांदीच्या दरामध्ये ५००० रुपयांची वाढ झाली आहे. १ किलो चांदी २,४०,००० रुपयांना विकली जात आहे.