Ladki Bahin Yojana : लाडकी बहीण योजना बंद होणार? माजी मंत्र्यांचा खळबळजनक दावा, पाहा व्हिडिओ

लाडक्या बहिणींच्या अर्जांची छाननी सुरु असतानाच लाडकी बहिण योजना कशी बंद होणार यावर चर्चा रंगलीये.. एकीकडे राज्यातील 8 लाख लाडक्या बहिणींच्या हप्त्यात कपात होणार असल्याची माहिती समोर आली असतानाच दुसरीकडे आदित्य ठाकरेंनी सत्ताधारी ही योजना बंद करणार असल्याचा दावा केलाय. नाशिकच्या निर्धार शिबिरात आदित्य ठाकरेंनी हा दावा केला.

एकीकडे आदित्य ठाकरेंच्या दाव्यानं पुन्हा लाडकीच्या पैशांवर गंडातर येणार का असा सवाल उपस्थित होतोय..त्यातच सरकारनं अजुनही लाडकीला 2100 रुपये दिलेले नाहीत..अर्थविभागावर लाडकीचा आर्थिक भार आहेच..मात्र तरीही अर्थमंत्री अजित पवार वारंवार योजना बंद होणार नसल्याचा दावा करतात...

असं असलं तरी या ना त्या कारणानं सरकार शक्य तितक्या लाडकींच्या हप्त्यात कपात करताना दिसतंय. किंवा निकषात बदल करुन लाडकीला योजनेतून वगळण्यात तरी येतंय... त्यामुळे आदित्य ठाकरेंनी केलेला दावा फोल ठरणार की सरकार खरंच टप्प्याटप्प्यानी ही योजना बंद करणार हेच पाहायचं..