Maharashtra Politics : अमित शहांनी शिंदेंनाच सुनावलं? संजय राऊत यांनी फोडलं दोघांच्या भेटीचं गुपित, VIDEO

महायुती सरकारमध्ये पालकमंत्रिपद, निधीवाटप, फाईल्सची अडवणूक यावरुन धुसफूस सुरुच आहे.. त्या पार्श्वभुमीवर उपमुख्यमंत्री एकनाथ शिंदेंनी थेट अमित शाहांपुढे अजित पवारांच्या तक्रारींचा पाढा वाचलाय.. मात्र या तक्रारीनंतर शाहांनी शिंदेंनाच सुनावल्याचा गौप्यस्फोट संजय राऊतांनी केलाय.

अमित शहांचं वक्तव्य राज्याचं चित्र स्पष्ट करणारं, असं ठाकरे गटाचे खासदार संजय राऊत म्हणाले. महायुतीचं सरकार आल्यापासून महायुतीत शह-काटशहाचं राजकारण रंगलंय. त्यातच रायगड आणि नाशिकच्या पालकमंत्रिपदाला स्थगिती दिल्याने हा वाद चव्हाट्यावर आला.. तर सत्तेतील दुसऱ्या क्रमांकासाठीही हा संघर्ष कायम आहे.. त्यातच गेल्या काही दिवसांपासून महायुतीत शिंदे गटाची कोंडी करण्याचं काम सुरु आहे.. तर अजित पवारांच्या राष्ट्रवादीला सरकारमध्ये झुकतं माप दिलं जात असल्याची चर्चा आहे..मात्र सुत्रांच्या माहितीनुसार महायुतीत अंतर्गत संघर्ष कसा सुरु आहे? पाहूयात....

महायुतीत शिंदेंची कोंडी?

शिंदे गटाच्या फाईली दादांनी रोखल्याची चर्चा

रायगडच्या पालकमंत्रिपदावरुन शिंदे-दादांमध्ये रस्सीखेच

शिंदे गटाला निधी वाटपात सापत्न वागणूक

शिंदेंच्या बालेकिल्ल्यात नाईकांचा जनता दरबार

आधी रायगडावर आणि नंतर चैत्यभूमीवर अजित पवारांचं भाषण वगळण्यात आलं... तर चैत्यभूमीवर शिंदेंनाही संधी दिली नाही.. . त्यातच शाहांनीही लाडक्या शिंदेंना सुनावल्याची चर्चा रंगल्याने भाजप शिंदेंना दूर लोटण्याचा प्रयत्न करत आहे का? याचीही चर्चा रंगलीय..