पूरग्रस्त नागरिकांना तातडीने शासकीय मदत द्यावी - राज्यपाल

रत्नागिरी : अतिवृष्टीमुळे आणि पुरामुळे चिपळूण शहरावर दुर्दैवी वेळ आली आहे. मात्र, प्रशासनाने तातडीने परिस्थितीचा आढावा घेऊन पूरग्रस्त प्रत्येक नागरिकाला शासकीय मदत तातडीने देण्याची कार्यवाही करण्यात यावी अशी सूचना राज्यपाल भगतसिंह कोश्यारी यांनी गुहागर येथील आरजीपीपीएल गेस्ट हाऊस येथे झालेल्या आढावा बैठकीत दिली आहे.

हे देखील पहा -

पुढे बोलताना ते म्हणाले, मोठ्या प्रमाणावर नुकसान झालेल्या पूरग्रस्त नागरिकांना आणि व्यापाऱ्यांना मदत करणे महत्वाचे असून केंद्र शासनाकडूनही आवश्यक ती मदत दिली जाईल. संपूर्ण देश पूरग्रस्तांच्या दुःखात सहभागी आहे. राज्यपाल भगतसिंह कोश्यारी हे आज चिपळूण दौऱ्यावर आले होते. त्यांनी चिपळूण शहरात व्यापारी तसेच नागरिकांशी संवाद साधला.

आपल्या या भेटीदरम्यान राज्यपालांनी बाजारपेठेत झालेल्या नुकसानीची पाहणी केली. सध्या देण्यात येत असलेल्या मदतीबाबतचीही माहिती दिली. हे मदत कार्य असेच सुरू राहावे आणि प्रत्येक पूरग्रस्त नागरिकास शासकीय मदत वेळेवर पोहोचवावी, अशा सूचना यावेळी राज्यपालांनी सरकारला केल्या आहेत.

Edited By : Krushnarav Sathe