विनायक वंजारे, साम टीव्ही, प्रतिनिधी
सोमवारी मालवण येथील राजकोट किल्ल्यावर बांधण्यात आलेला छत्रपती शिवाजी महाराज यांचा पुतळा कोसळल्याची घटना घडली होती. या घटनेनंतर ठाकरे गटाचे आमदार वैभव नाईक आक्रमक झाल्याचं पाहायला मिळालं. त्यांनी थेट सार्वजनिक बांधकाम विभागाचे कार्यलय गाठत तोफोड केली होती.
याच प्रकरणी आता वैभव नाईक यांच्यावर गुन्हा दाखल करण्यात आला आहे. त्यांच्यासह शिवसेना ठाकरे गटाचे मालवण तालुकाप्रमुख हरी खोबरेकर, जिल्हा प्रवक्ते मंदार केणी यांच्यावरही गुन्हा दाखल करण्यात आला आहे.
सार्वजनिक बांधकाम विभागाच्या कार्यालयाची तोडफोड करताना वैभव नाईक यांचा व्हिडिओही समोर आला होता. या व्हिडिओत आमदार वैभव नाईक सार्वजनिक बांधकाम विभागाच्या कार्यलयात बॅट घेऊन शिरताना दिसत आहेत. याच बॅटने त्यांनी संतापात तोडफोड केल्याचं पाहायला मिळालं होतं.
दरम्यान, आज वैभव नाईक यांनी पत्रकार परिषद घेतली. या पत्रकार परिषदेत उपमुख्यमंत्री देवेंद्र फडणवीस यांच्यावर टीका करत म्हटलं की, ''छत्रपती शिवाजी महाराजांच्या स्मारकामध्ये सुद्धा भ्रष्टाचार करतायत. छत्रपती शिवाजी महाराजांचा स्मारक अरबी समुद्रामध्ये होणार, असं दहा वर्षे झाली सांगत आहेत. महाराष्ट्रातील जनता त्यांची हंडी फोडल्याशिवाय राहणार नाही.''
शिवरायांचा पुतळा कोसळणं हा अपघात असलीच मंत्री दीपक केसरकर म्हणाले होते. यावर बोलताना ते म्हणाले की, दीपक केसरकर यांचं वक्तव्य अत्यंत अशोभनीय आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.