जालना : तीन महिन्यांच्या मुलीला चादरीत गुंडाळून जमिनीवर आपटून मुलीची हत्या केल्याची धक्कादायक घटना मंठा तालुक्यातील केहाळ वडगाव गावात घडली आहे. या घटनेने संपूर्ण परिसरात एकच खबळ उडालीय. मंठा तालुक्यातील केहाळ वडगाव गावातील अविनाश लिंबा चव्हाण असे पोटच्या मुलीची हत्या करणाऱ्या बापाचे नाव आहे.
हे देखील पहा :
अविनाश चव्हाण याचा घरासमोर राहणाऱ्या दोन महिलांसोबत वाद झाला. नंतर या वादाच्या रागातून चव्हाण याने आपल्या घरात जाऊन चादरीवर झोपलेल्या आपल्या तीन महिन्यांच्या मुलीच्या पायाला धरून चादरी सह जमिनीवर आपटून तिची हत्या केली.
घटनेची माहिती कळताच घटनास्थळी पोलिस उपविभागीय अधिकारी राजू मोरे व पोलिस निरीक्षक संजय देशमुख यांनी घटनास्थळी जाऊन निर्दयी बापाला अटक केली आहे. घरासमोर झालेल्या वादाचे कारण आणि पोटी आलेल्या दोन्ही मुली असल्याच्या कारणावरून ही हत्या केल्याची धक्कादायक बाब पोलिस तपासात समोर आली आहे. आरोपी बापाला पोलिसांनी अटक केली असून या प्रकरणी अधिक तपास पोलिस उपनिरीक्षक बी.पी राऊत हे करत आहेत आहेत.
Edited By : Krushnarav Sathe
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.