Nagpur : OYO हॉटेलमध्ये सुरु होता कुंटणखाना! पोलिसांनी केली दोघींची सुटका

मंगेश मोहिते

नागपूर : नवीन नागपूर म्हणून ओळखल्या जाणाऱ्या मनीष नगर मधील भागात ओयो (OYO) सर्व्हिस अपार्टमेंट मध्ये गेल्या अनेक दिवसांपासून काही महिलांकडून वेश्या व्यवसाय करवून घेतला जात असल्याची माहिती पोलिसांना मिळाली होती.

हे देखील पहा :

या माहितीनुसार नागपूर क्राईमब्रांचने सापळा रचला त्यानुसार पोलिसांनी एक बनावट ग्राहक त्या ठिकाणी पाठवला. त्याने रीतसर बोलणी करून सौदा केला. याच परिसरात अनेक ठिकाणी अश्या पद्धतीचे व्यवसाय सुरु होते. पोलिसांनी पाठवलेल्या बनावट ग्राहकाद्वारे या गैरप्रकाराची खातरजमा होताच दबा धरून बसलेल्या पोलिसांनी सदर हॉटेलवर कारवाई केली.

महिलांकडून वेश्या व्यवसाय करून घेणारा आरोपी आकाश शाहूला अटक करत दोन महिलांची सुटका केली. यापैकी एक 23 वर्षीय मुलगी नागपूरची असून दुसरी मुलगी कोलकात्यावरून या व्यवसायासाठी बोलविण्यात आली होती. आरोपी शाहू याचा गुन्हेगारी रेकॉर्ड तपासून पोलीस पुढील कार्यवाही करत आहेत.

Edited By : Krushnarav Sathe