Marathwada Farmer : मराठवाड्यात सर्वाधिक शेतकरी आत्महत्या; 3 महिन्यांमधील धक्कादायक आकडेवारी उघडकीस

आर्थिक अडचणीत सापडलेल्या शेतकऱ्यांना जास्त व्याज दराने सावकारी कर्ज घ्यावे लागले.
Marathavada Farmer
Marathavada FarmerSaam TV

Farmer :मराठवाड्यात यावर्षीच्या तीन महिन्यात तब्बल 214 शेतकऱ्यांनी आत्महत्या केल्यात. या आकडेवारीवरून दररोज दोन शेतकरी आत्महत्या करत असल्याचं समोर आलं आहे. मराठवाड्यातील 40 टक्के शेतकऱ्यांना गेल्या हंगामात बँकांनी कर्ज दिले नाही. बऱ्याच शेतकऱ्यांना सप्टेंबर-ऑक्टोबरमध्ये झालेल्या नुकसानीची मदत मिळाली नव्हती. तसेच आर्थिक अडचणीत सापडलेल्या शेतकऱ्यांना जास्त व्याज दराने सावकारी कर्ज घ्यावे लागले. (Marathi News)

खताला जीएसटी लावून सबसिडी कपात करण्यात आली आहे. कापसाला भाव मिळत नाही तर हरभरा खरेदी करण्याबाबत निर्णय घेण्यात आलेला नाही. सोयाबीनने फटका दिला आहे. या सर्व अडचणींसह महिन्याभरापासून अवकाळी आणि गारपिटीने रब्बी पिक उद्धवस्त झाले आहे.

Marathavada Farmer
Video Viral : मेट्रोत दोन महिला एकमेकींना भिडल्या; जागेसाठी थेट मिरची स्प्रे काढला अन्...

या वेगवेगळ्या समस्येमुळे शेतकरी प्रचंड नैराश्यात आहेत. त्यामुळे दिवसागणिक शेतकरी आत्महत्येचा आकडा कमी होत नसून तो वाढतच चालला आहे. सर्वाधिक 65 शेतकऱ्यांच्या आत्महत्या या बीड जिल्ह्यात झाल्या आहेत.

2023 मधील 3 महिन्यात मराठवाड्यातील 214 शेतकऱ्यांनी आत्महत्या केल्यात.

छत्रपती संभाजीनगर - 23

जालना - 15

परभणी - 18

हिंगोली - 05

नांदेड - 31

बीड - 65

लातूर - 14

धाराशिव - 43

Marathavada Farmer
Viral Video : तापलेल्या तव्यानंतर पाण्यावर तरंगणारा बाबा व्हायरल; दर्शनासाठी अख्ख गाव जमलं

शेतकऱ्यांच्या आत्महत्येचे प्रमाण आणखीन वाढत चालले आहे. सतत नुकसान होत असल्याने शेतकऱ्यांना सरकारच्या मदतीची गरज आहे. मात्र सरकार फक्त आश्वासन देत असल्याचे शेतकऱ्यांचे म्हणणे आहे. सध्याच्या घडीला विविध क्षेत्रात शिक्षण घेतलेल्या विद्यार्थ्यांना नोकऱ्या उपलब्ध नाहीत. त्यामुळे अनेक तरुण मंडळी शेती व्यवसायाकडे वळण्याचा विचार करत आहेत. मात्र शेती व्यवसायामध्ये देखील शेतकऱ्यांच्या आत्महत्येची अशी धक्कादायक आकडेवारी राज्यासाठी गंभीर बाब आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com