Buldhana News : शेतात ज्वारीला पाणी देण्यासाठी गेले, शॉक लागल्याने शेतकऱ्यानं जागीच प्राण सोडले; घरचा कर्ता गेल्यानं कुटुंबाचा टाहो

बुलढाणा : शेतात काम करायला गेलेल्या शेतकऱ्याला शेतातील पिकांच्या संरक्षणासाठी लावण्यात आलेल्या विद्युत तारांचा स्पर्श झाल्याने शेतकऱ्याचा मृत्यू झाल्याची घटना घडली. खामगाव तालुक्यातील उमरा अटाळी या गावातील शेतकरी मोरेश्वर दिलीप गुरव हे शेतामध्ये लावण्यात आलेल्या ज्वारीला पाणी देण्यासाठी गेले होते. त्या ठिकाणी पिकाच्या संरक्षणासाठी लावण्यात आलेल्या विजेच्या प्रवाहाच्या तारांना हात लागल्याने त्यांचा जागेवरच मृत्यू झाला आहे. घरचा कर्ता माणूस गेल्याने अख्ख्या कुटुंबाने टाहो फोडला.

नागपूरमध्ये मजुराची धारधार शस्त्राने हत्या

दरम्यान, नागपूरमध्ये देखील एक धक्कादायक घटना समोर आली आहे. रात्रीच्या सुमारास एका तरूणाची धारदार शस्त्राने वार करत हत्या करण्यात आल्याची माहिती समोर आली आहे. मृत तरूण बांधकाम मजूर म्हणून कार्यरत होता. २ दिवसांपूर्वी कामावर गेला. मात्र, तो काही घरी परतलाच नाही. तरूणाचा मृतदेह सापडल्यानंतर त्याची याचा शोध पारडी पोलीस घेत आहेत.हत्या करण्यात आल्याची माहिती समोर आलीय. ही घटना नागपूर येथे घडली असून, या प्रकरणी पोलिसांनी तीन संशयीतांना ताब्यात घेतलं आहे. हत्येचं नेमकं कारण काय? याचा शोध पारडी पोलीस घेत आहेत.

सतीश मेश्राम (वय वर्ष ३१) असे मृत तरूणाचं नाव आहे. तो नागपुरातील भांडेवाडी परिसरातीस रहिवासी होता. तो बांधकाम मजूर म्हणून कार्यरत होता. दोन दिवसांपूर्वी कामावर गेला मात्र घरी परतला नाही. सतीश घरी न परतल्यामुळे कुटुंबीयांनी त्याचा शोध सुरू केला. शोधा शोध करून मिळून न आल्याने त्यांनी पोलीस स्टेशनमध्ये धाव घेतली. पारडी पोलीस स्टेशनमध्ये बेपत्ता असल्याची तक्रार दाखल केली.

शुक्रवारी रात्री भांडेवाडी रेल्वे स्थानकावरील बांधकाम सुरू असलेल्या प्लॅटफॉर्म जवळ काही लोकांना मृतदेह आढळून आला. तेव्हा पोलिसांना या घटनेची माहिती देण्यात आली. तो मृतदेह सतीशचा असल्याचं निशपन्न झालं. पोलिसांनी मृतदेह शवविच्छेदनासाठी पाठवले असून, सतीशची हत्या धारदार शस्त्राने करण्यात आली असल्याची माहिती समोर आली आहे.