ऊस उत्पादक शेतकऱ्यांसाठी आणि साखर कारखानदारांसाठी एक मोठी बातमी समोर आली आहे. ऊसाचा रस आणि मॉलॅसिसपासून इथेनॉल निर्मितीला घातलेली बंदी अखेर सरकारने मागे घेतली आहे. सरकारच्या या निर्णयाने शेतकरी तसेच कारखानदारांना दिलासा मिळाला आहे. या निर्णयाचे स्वाभिमानी शेतकरी संघटनेचे नेते राजू शेट्टी यांनी स्वागत केले आहे.
याबाबत सविस्तर माहिती अशी की, ७ डिसेंबर रोजी परिपत्रक काढून २०२३-२४ मध्ये साखर कारखान्यांनी उसाच्या रसापासून थेट इथेनॉल तयार करू नये, असे आदेश केंद्र सरकारने दिले होते. त्याचबरोबर या आदेशाची तात्काळ अंमलबजावणी करण्याचेही सरकारने स्पष्ट केले होते. सरकारच्या या निर्णयाला शेतकऱ्यांसह अनेक नेत्यांचा विरोध होता.
या निर्णयामुळे देशांतर्गत बाजारपेठेतील साखरेच्या वाढत्या किंमतींवर नियंत्रण ठेवता येईल, असे मानले जात होते. अखेर निर्णयावर वाढता विरोध पाहता १५ दिवसातच केंद्र सरकारने आपला हा निर्णय मागे घेतला आहे. निर्णय मागे घेतल्यानंतर शेतकरी नेते राजू शेट्टी (Raju Shetti) यांनी सरकारचे आभार मानलेत.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
दरम्यान, इथेनॉल निर्मितीसाठी परवानगी दिली असली तरी फक्त १७ लाख टनापर्यंत साखरेचा इथेनॉल निर्मितीसाठी वापर करण्याची परवानगी साखर कारखानदारांना देण्यात आली आहे. ही अट सरकारने ३५ लाख टनापर्यंत करावी.. अशी नवी मागणी स्वाभिमानीचे (Swabhimani Shetkari Sanghatana) राजू शेट्टी यांनी केली आहे.
सहकारमंत्री दिलीप वळसे पाटील घेणार शहांची भेट..
"केंद्र सरकारने काही सुधारणा करुन इथेनॉल निर्मिती बाबत परिपत्रक काढले आहे ही दिलासादायक बाब आहे. मात्र अजुनही इथेनॉल निर्मिती बाबत काही सुधारणा व्हायला हव्यात," यासाठी लवकर दिल्लीत जाऊन बाजु मांडणार असल्याचे सहकारमंत्री दिलीप वळसे पाटील यांनी सांगितले आहे. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.