Esakal: ई- सकाळ नंबर १...! महाराष्ट्राची लाडकी वेबसाइट, मराठीत अख्ख्या देशात ठरली अव्वल

सकाळ माध्यम समूहाला डिजिटल पत्रकारितेत येऊन २५ वर्षे पूर्ण झाली आहे. या रौप्य महोत्सवी वर्षात सकाळ माध्यम समूहाने अजून एक कामगिरी केली आहे. कॉमस्कोअरच्या (Comscore) आकडेवारीनुसार, जानेवारी महिन्यात सर्वाधिक वाचकांना ई- सकाळ वेबसाइटवर जाऊन बातम्या वाचल्या आहेत. सर्वाधिक वाचले जाणारे मराठी डिजिटल पोर्टल ई- सकाळ ठरले आहे.

Comscore च्या अहवालानुसार, ई- सकाळला १३.५ मिलियन युजर्स मिळाले आहे. मराठी डिजिटल माध्यमांमध्ये ई- सकाळने सर्वाधिक आघाडी घेतली आहे.

Comscore चे महत्त्व

कॉमस्कोअर हा डिजिटल क्षेत्रातील मान्यताप्राप्त प्लॅटफॉर्म आहे. हा कॉमस्कोअर विविध न्यूज पोर्टल्सचे युजर्स आणि पेजव्ह्यूज मोजते. यामध्ये जानेवारी महिन्यात सर्वाधिक युजर्स आणि पेजव्ह्यूज ई- सकाळ प्लॅटफॉर्मने मिळवले आहे.

गेल्या २५ वर्षात ई- सकाळ या डिजिटल पोर्टलने नेहमी वाचकांना बातम्या पोहचवण्याचे काम केले आहे. त्यामुळे वाचकांचा सकाळ माध्यम समूहावर विश्वास आहे.सकाळने पत्रकारिता क्षेत्रात फार पूर्वीपासूनच पाऊल ठेवले होते. त्यानंतर आता डिजिटल प्लॅटफॉर्मवरदेखील पहिला नंबर पटकावला आहे.

ई सकाळ हे वेब पोर्टल २६ जानेवारी २००० रोजी सुरु झाला. तेव्हापासून ते २०२५ पर्यंत नेहमी सकाळने उत्तम बातम्या वाचकांपर्यंत पोहचवल्या आहेत. या काळात सकाळची प्रगती ही कायम होत गेली. यामध्ये साम टीव्ही पोर्टल, गोमन्तक टाइम्स, अॅग्रोवन या इतर वेब पोर्टलचाही समावेश आहे.