Success Story: IIT मधून इंजिनियरिंग, ४८ लाखांच्या पगाराची नोकरी सोडली; दुसऱ्याच प्रयत्नात UPSC क्रॅक; IPS अंजली विश्वकर्मा यांचा प्रवास

यूपीएससी ही देशातील सर्वात अवघड परीक्षा आहे. यूपीएससी परीक्षा देऊन आयएएस, आयपीएस अधिकारी व्हायचे अनेकांचे स्वप्न असते. प्रशासकीय अधिकारी होण्यासाठी अनेक तरुण दिवसरात्र अभ्यास करतात. काहीजणांनी तर लाखोंच्या पगाराची नोकरी सोडून यूपीएससी परीक्षा देण्याचा निर्णय घेतला. असंच काहीसं अंजली विश्वकर्मा यांच्यासोबत झालं. (Success Story)

अंजली विश्वकर्मा यांनी लाखो रुपयांची नोकरी सोडली आणि सरकारी अधिकारी होण्याचे टरवले. अंजली यांचे डॉक्टर होण्याचे स्वप्न होते. परंतु त्यांनी इंजिनियरिंग केले. त्यांनी जेईई परीक्षा क्लिअर केली आणि त्यांचे आयआयटी कानपूरमध्ये सिलेक्शन झाले. (Success Story Of IPS Anjali Vishwakarma)

२०१५ मध्ये त्यांनी परदेशातील एका कंपनीने नोकरीची ऑफर दिली होती. त्यांना वर्षाला ४८ लाख रुपयांचे पॅकेज मिळाले होते. परदेशात वेगवेगळ्या ठिकाणी काम करायची संधी मिळाली.

दरम्यान, याचकाळात त्यांच्या एका मित्राने जॉब सोडला आणि यूपीएससी परीक्षेची तयारी करत होते. अशातच अंजली विश्वकर्मा यांनाही देशसेवा करायची इच्छा झाली. आपल्यामुळे इतर अनेक लोकांना मदत करता येईल, असं त्यांना वाटलं. त्यामुळे त्यांनी यूपीएससी परीक्षेची तयारी केली.दुसऱ्याच प्रयत्नात त्यांना यश मिळाले.

पैसा म्हणजे सर्वकाही नाही, असं अंजली यांना वाटलं. त्यामुळे त्यांनी इतरांना मदत करण्याचा निर्णय घेतला. यासाठी सर्वात मोठा मार्ग म्हणजे प्रशासकीय सेवा. प्रशासकीय सेवेतून आपण इतरांना मदत करु असं त्यांना वाटलं. त्यामुळे त्यांनी नोकरी सोडली आणि स्पर्धा परीक्षा देण्याचा निर्णय घेतला. त्यात दुसऱ्याच प्रयत्नात त्यांना यश मिळालं.