Success Story: नवरा अन् सासरच्यांकडून मारहाण; ७ वर्षाच्या लेकीला घेऊन माहेरी आली; UPSC परीक्षा दिली; IAS शिवांगी गोयल यांचा प्रवास

दरवर्षी लाखो तरुण यूपीएससी परीक्षा देतात. यूपीएससी परीक्षा देऊन आयएएस आणि आयपीएस अधिकारी होण्याची अनेकांचे स्वप्न असते. त्यासाठी खूप मेहनत घ्यावी लागते. अनेकदा संघर्ष करावा लागतो. असाच संघर्ष शिवांगी गोयल यांनी केला आहे. त्यांनी खूप कठीण परिस्थितीत यूपीएससी परीक्षा दिली आणि त्यात यश मिळवले. (Success Story)

शिवांगी या मूळच्या उत्तर प्रदेशच्या रहिवासी. त्यांनी आपल्या वैयक्तिक आयुष्यात खूप संघर्ष केला. लग्नानंतर त्यांना सासरच्या लोकांनी खूप त्रास दिला. परंतु त्यांनी तरीही हार मानली नाही या परिस्थितीवर मात केली.

शिवांगी लहानपणापासूनच खूप हुशार होत्या. त्यांनी लग्नाआधीही दोनदा यूपीएससी परीक्षा दिली होती. परंतु त्यांना दोन्ही वेळा यश मिळाले नाही. लग्न झाल्यानंतर काही दिवसांनी त्यांच्या कुटुंबियांनी त्यांना मारहाण केली. शिवांगी यांना एक मुलगी आहे.मुलीच्या जन्मानंतरदेखील त्यांच्या सासरच्या लोकांनी त्यांना त्रास देणे कमी केले नाही. (Success Story Of IAS Shivangi Goyal)

यानंतर शिवांगी या आपल्या माहेरी आल्या. त्या आपल्या ७ वर्षांच्या मुलीला घेऊन माहेरी आल्या.त्यांनी आपल्या वडिलांचा सल्ला घेऊन पुन्हा शिक्षण घेण्याचा निर्णय घेतला. त्यांनी पुन्हा यूपीएससी परीक्षा दिली. त्यांनी २०२१ मध्ये तिसऱ्या अटेंप्टमध्ये १७७ रँक मिळवली. त्या आयएएस अधिकारी झाल्या.

शिवांगी यांना वैवाहिक जीवनात खूप संघर्ष करावा लागला. यामुळे त्या खूप खचल्या होत्या. परंतु त्यांनी आपल्या मुलीचे आयुष्य बदलण्यासाठी एक निर्णय घेतला आणि त्यात यशदेखील मिळाले. शिवांगी यांनी आपल्या पतीपासून घटस्फोट घेतला. आज त्या आयएएस अधिकारी म्हणून कार्यरत आहेत.