Maharashtra Politics: महायुतीतील कुरघोडीमुळे शिंदे नाराज? शिंदे पुन्हा दिल्ली दरबारी

ऐन दिवाळीत महायुतीत पुन्हा कुरघोडीच्या फटाक्यांचे बार उडायला सुरुवात झालीय.. केंद्र आणि राज्यात सत्ता मिळवल्यानंतर मुंबई महापालिका जिंकण्यासाठी भाजपनं थेट 150 पारचा नारा दिलाय... तर शिंदेसेनेला केवळ 64 ते 75 जागा देण्याचा डाव भाजपनं आखलाय... त्यामुळे अस्वस्थ झालेल्या उपमुख्यमंत्री एकनाथ शिंदेंनी तडकाफडकी थेट दिल्ली गाठत पंतप्रधान मोदींची भेट घेतल्याची चर्चा रंगलीय.. मात्र ही भेट राज्याच्या विकासासंदर्भातील असल्याचा दावा शिंदेंनी केलाय...

दुसरीकडे महायुतीतील जागा वाटपाच्या दाव्यावरुन संजय राऊतांनी भाजप, शिंदेसेना आणि अजित पवारांना खोचक टोला लगावलाय.. तर बावनकुळेंनी मात्र महायुतीत शिंदे नाराज नसल्याचं स्पष्ट केलंय..

खरंतर महायुतीचं सरकार स्थापन झाल्यापासून वेगवेगळ्या कारणांमुळे शिंदेसेना आणि भाजपमध्ये कुरघोडीचं राजकारण रंगल्याची चर्चा आहे.. त्यातच आता रवींद्र धंगेकरांनी भाजपचे मंत्री मुरलीधर मोहोळ यांच्याविरोधात रान पेटवलंय... तर दुसरीकडे भाजपनेही ठाणे, नवी मुंबईसह कोकणात शिंदेसेनेवर कुरघोडी केल्याची चर्चा आहे.. त्यामुळे पंतप्रधान मोदींच्या भेटीनंतर का होईना... शिंदेंची नाराजी दूर होणार की पालिका निवडणुकीच्या तोंडावर कुरघोडीचं राजकारण आणखी तापणार? याकडे राज्याचं लक्ष लागलंय..