जळगावमध्ये एकनाथ खडसे यांच्या घरी चोरी झाली
चोरीप्रकरणी एकनाथ खडसे यांनी आज पत्रकार परिषद घेत खळबळजनक दावे केले
घरातून १० सीडी- ३० पेन ड्राईव्ह गायब असल्याचे ते म्हणाले
भ्रष्टाचारसंदर्भातील महत्वाची कागदपत्रे देखील गायब
राष्ट्रवादी काँग्रेस शरद पवार गटाचे ज्येष्ठ नेते आणि आमदार एकनाथ खडसे यांच्या जळगावमधील घरी मोठी चोरी झाली होती. या प्रकरणात आता मोठी अपडेट समोर आली आहे. या चोरी प्रकरणी पत्रकार परिषद घेत एकनाथ खडसे यांनी सरकारवर गंभीर आरोप केले आहेत. त्यांनी यावेळी पोलिसांवर देखील निशाणा साधला. माझ्या घरातील महत्वाची कागदपत्रे, सीडी, पेन ड्राईव्हची चोरी झाली. अतिशय नियोजनबद्ध पद्धतीने माझ्या घरात चोरी करण्यात आली, असा आरोप एकनाथ खडसे यांनी केला आहे.
एकनाथ खडसे यांच्या जळगावात शिवरामनगर येथील निवासस्थानी चोरी चोरी झाली होती. चोरी झाल्यानंतर आज एकनाथ खडसे यांनी पाहणी करत घटनेची माहिती घेतली त्यानंतर पत्रकार परिषद घेत सरकारवर निशाणा साधला. त्यांनी सांगितले की, 'चोरट्यांनी अत्यंत नियोजनबद्द पद्धतीने रेकी करून माझ्या घरातली भ्रष्टाचारासंदर्भातली महत्त्वाची कागदपत्र, महत्त्वाच्या सीडी आणि पेन ड्राईव्ह चोरून नेले. चोरट्यांनी १० सीडी चोरून नेल्या. उर्वरित १० सीडीज घरात शिल्लक आहेत. तर घरातले सर्व २५ ते ३० पेन ड्राईव्ह देखील चोरून नेल्याचा दावा खडसे यांनी केला आहे.
एकनाथ खडसे यांनी पुढे सांगितले की, 'ज्या शिल्लक राहिलेल्या सीडीज आणि कागदपत्र आहेत ते मी पोलिसांना देखील दाखवणार असून त्या दृष्टीने तपास करण्याबाबत पोलिसांना विनंती करणार आहे. ज्या पद्धतीने ही चोरी झाली ती कुणाच्या सांगण्यावरून ही चोरी झाली का? आत्ताच मी कुणाचं नाव घेऊ शकत नाही, आक्षेपसुद्धा मी घेणार नाही. चोरट्यांचा केवळ चोरी करणे हा उद्देश नव्हता. तर माझ्या घरातली कागदपत्र, पेन ड्राईव्ह, सीडी सोडून नेण्याचाच उद्देश चोरट्यांचा होता.'
तसंच, 'माझ्या घरातून अतिशय मत्वाचे कागदपत्र गायब झाले आहेत. महत्वाच्या सीडी चोरीला गेल्या आहेत. कोपऱ्यात पडलेल्या सीडी फक्त राहिल्या आहेत. भ्रष्टाचाराचे कागदपत्र माहिती अधिकारातून मिळवलेले कागदपत्र चोरीला गेले आहेत. पोलिसांवर विश्वास होता. पण माझ्या घरी चोरी होईल असे वाटले नव्हते.', अशी खंत खडसेंनी व्यक्त केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.