Deepak Keskarkar: भाजप आणि सेनेत दुमत नाही, पण...; सामंतांच्या व्हॉट्सअप स्टेटसवर केसरकरांची प्रतिक्रिया

(सचिन बनसोडे)

Deepak Kesarkar On kiran Samant:

रत्नागिरी-सिंधुदुर्ग लोकसभा मतदारसंघावरून भाजपविरुद्ध शिंदे गटात सामना रंगण्याची शक्यता आहे. किरण सामंतांच्या व्हॉट्सअ‍ॅप स्टेटसमुळे दोन्ही पक्षात वाद होण्याची शक्यता आहे. त्याचदरम्यान शिंदे गटाचे नेते आणि राज्य शालेय शिक्षणमंत्री दीपक केसरकर यांनी त्यावर प्रतिक्रिया देत तो मतदारसंघ शिवसेनाचा अधिकार असल्याचं म्हटलं. दरम्यान भाजप आणि शिवसेनेत दुमत नसल्याचंही त्यांनी स्पष्ट केलंय. (Latest News)

दीपक केसरकर हे आज शिर्डीत आले होते. तेथे त्यांनी साईबाबांचे दर्शन घेतले त्यानंतर त्यांनी माध्यमांशी संवाद साधला. अगोदर केलेल्या सर्व संकल्पांची पूर्ती व्हावी. मुख्यमंत्री - उपमुख्यमंत्री दिवसरात्र काम करताहेत. नवीन वर्षात सर्वांच्या घरी सुख समृद्धी यावी. माझ्या विभागातील दोन कोटी मुलांचे भवितव्य चांगले घडावे ही प्रार्थना, केल्याचं केसरकर म्हणाले. याचदरम्यान त्यांनी किरण सामंत यांच्या स्टेट्सवरही प्रतिक्रिया दिली.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

किरण सामंत हे राज्याचे उद्योगमंत्री उदय सामंत (Uday Samant) यांचे बंधू किरण सामंत यांचं बंधू आहेत. किरण सामंत यांनी 'मी किरण रवींद्र सामंत… रोकेगा कोण?’असं व्हॉट्सअप स्टेट्स ठेवलं. त्यानंतर भाजपकडून रविद्र चव्हाण यांना तयारीला लागण्याच्या सूचना देण्यात आल्या. भाजपने केंद्रीय मंत्री अमित शाह यांच्याकडे रत्नागिरी सिंधुदुर्ग लोकसभेची मागणी केल्यामुळे शिंदे गट आक्रमक झाल्याचं म्हटलं जात आहे.

याच सर्व प्रकरणावरून राज्य शालेय शिक्षणमंत्री (Education Minister) दीपक केसरकर (Deepak Kesarkar) यांनी प्रतिक्रिया दिलीय. सिंधुदुर्ग लोकसभेच्या (Sindhudurg Lok Sabha) जागेवर शिवसेनेचा अधिकार आहे. मात्र वरिष्ठ जो उमेदवार (candidate) देतील तो आपण निवडून आणू ,असं म्हटलंय. शिवसेनेकडे दोनवेळा हा मतदारसंघ राहिला आहे. त्यामुळे सेनेकडे असावा हा अधिकार, असल्याचं ते म्हणाले. त्याचवेळी त्यांनी भाजप आणि सेनेत उमेदवारावरून कोणतेच दुमत नसल्याचं स्पष्टीकरण देत, वरिष्ठ जो उमेदवार ठरवतील त्यास निवडून आणू असं म्हटलंय.